2025/01/15(三)睡可/神可,單車打氣,行轉大圍,午蕃薯,區辦派魷魚,晚飯4人食,夜馬無賭.

昨晚11點鐘瞓,一覺0528醒所,瞓不返寫未完blog,8點半起床,起來急不及待要大,新抱忙返工,

舒服後0940早餐,新抱返工.

餐後老婆樓下買餸,無聊我叫老婆不如過大圍買餸.

於是叫老婆先行過大圍,我隨後單車到.

老婆出門後我遲遲才出門,單車剛好過對面馬路,老婆來電以經過到大圍?

過到大圍1228亞運單車打打氣,然後大圍中心會合.

行轉街市外圍,買有紅肉火龍果4個25蚊,芒果4個20蚊,海帶16蚊,紅黃椒10.5蚊,蒜頭兩8蚊,秋葵6.5蚊,毛豆8.6蚊同蕃薯三磅10蚊返歸,回程老婆買中午外賣35蚊返歸.

回家1415個人散晒,累不堪言.

1515嫲嫲接B放學返,我就烚4條蕃薯食,衰豬要燒賣,嫲嫲過佢食,衰豬食剩兩粒?

吃後我又攤床yt瞌吓,1639老婆來叫?話剛才買餸樓下區議員派雪藏魷魚喎,每戶一份,攞咗份上來,於是起床廚房望吓,嘩!好大份好大條?

放好冰柜後又繼續yt瞌過,yt又睇佢明報加拿大,日日都有劫案.

1900老婆沖涼,來要我出手煮餸,煎釀甜椒,土魷炒秋葵,1956開飯個B嫲嫲我三個人食.

個仔公司年夜飯,新抱夜返留飯餸.

飯後我都辦妥睡前一切,2130攤床手機,衰豬眼睏兼思佢呀娘?走來要求手機視像呀娘,我話手機用緊喎,佢堅持要,我問你係咪大晒,佢初頭擰頭,後來為咗手機點頭?咁就搶咗去.