2025/01/21(二)重失/尚可,新抱假,個B病假,早餐大家樂,中土友聚舊,晚二人大家樂.

昨晚11點鐘瞓,兩點半鐘所,就瞓不返,老婆同樣失眠?佢仲衰成晚未瞓過,我就歌仔收音機下捱天.

到天光感覺個B好似無返學咁?老婆才說個B昨晚發燒,今日請假喎?捱到0840我都起床.

起來辦埋件事才洗面,老婆叫落街早餐?唉!是但啦.

咁就辦妥早上一切,成10點鐘同老婆大家樂,老婆43蚊餐,我就39蚊餐.

吃過坐夠11點鐘返歸,回家睇陣視.

1135我係時候出門,去會班舊同事聚舊.

單車沿城傍,去到富豪花園對開1155,搭程新𨋢過橋,便富豪花園,新光宴會廳.

去到啱啱好12點鐘,1條友都未到?到1225啲友才陸續到齊.

上次見面同地方,已經係23年7月17日既事,今日多咗個何基,老友見面大談舊事.

一傾1415係時散band,又係威哥找數,未來及多謝都走咗.

離開同老馬同路,同佢在條橋吹輪水1449才各自返歸.

返回屋企樓下1505,老婆又話要下來,去校巴替個衰豬攞功課喎?

同老婆拿了功課,回家1523,跟住母女返,話去咗石門喎?百幾蚊買咗兩棵蘭花?

回來轉落盆,花盆又唔啱心水?兩母女又落街去買盆,我都無你咁好氣,入房攤床手機,跟住個仔亦返到.

到1747老婆來叫肚餓,咁就同老婆落大家樂,老婆73蚊打邊爐,我還是51蚊煲仔飯,吃過坐夠1919走人.

回家1929,三口子還未出門晚飯,我都早點沖涼,涼後攤床寫blog備瞓. 

2200三口子吃完飯返.我都差不多瞓著.