如常烚水搞早餐,0947早餐啲友才陸續蒲頭,個仔新抱放假,準備北上,個仔睇牙.
三口子成1127出門,我都攤床yt瞌吓.
一攤又3點鐘,諗住叫老婆下午茶,誰知老婆話,今晚得我兩食唔煮喎?夜點食埋飯算喎?
唔煮就落去行吓,睇吓食啲乜囉?老婆帶埋啲膠樽同廢紙落街,放環保箱,商場入埋樽.
老婆就叫麥當勞食雪,老婆17蚊買咗杯兩份食,食過夠成4點多上惠康行吓.
行咗陣就門口張椅坐,坐到成6點鐘才落大家樂,老婆53鐵板扒餐,我就47蚊焗雞扒飯.
飯未到有一家人到,埋收銀度,條細路走到收銀呀姨度前,好想同收銀打招乎,但收銀好忙,但條細路踱前踱後等,嗰種神情好好笑,收銀姨又唔得閒理會.
後來我手機相比收銀姐睇,呀姐嗱淋拿去比佢家人睇.
唉!個飯認真唔掂?焗飯唔夠熱飯又硬?食咗大半都放棄,同老婆坐到7點鐘都走.
回家1915,早點沖涼準備好睡前一切,睇電視待瞓覺.
2208三口子返.
