2025/12/01(一)睡好/神好,肩小痛,新抱返工,上午電腦,茶大家樂,惠康,晚飯5人食.

前晚失眠,昨晚早早都瞓,2315老婆叫醒量血壓,夜所兩就瞓到今晨0530醒,手機收音機前後無電,焗住閉目白賴,結果瞓返,一瞓今早成9點鐘醒起床.

起來肩還有些痛,如常搞早餐,0957早餐,餐後辦埋件事,新抱返工,我又開機寫寫blog.

一寫又12半鐘.係時候yt瞌吓,1點睇埋個午間新聞又續yt瞌.

回想三個月前今日?中午1點鐘推入手術室,一做三個小時,差點頂佢唔順?尿都手術床痾兩篤.

1341老婆開餐,又要食啲,吃後繼續攤床yt,3點鐘老婆接B放學.

1520量個血壓,就落大家樂會老婆,

1529落到大家樂,衰豬還在大家樂,衰豬望見補習社開門,蛋糕都唔食?便去補習社.

大家樂本應無嘢好食,見水牌突然出咗個燒乳鴿炒麵紅豆餐34蚊,於是要個試吓,老婆就麥當勞買杯咖啡同蘋果批21蚊.

吃過坐夠上惠康買雞蛋,湖北蛋兩盒25蚊,CP蛋兩盒44蚊,街市買咗155蚊餸菜返歸.

回家1726個仔已在家,1830個仔接補習B返.

夜2053嫲嫲開飯有25蚊齋鹵味,煎午餐肉,同牛肉滾西菜,嫲B我三人食

個仔倆留湯飯餸,2156新抱返開飯.