2025/12/21(日)睡可/還可,新抱返工,個B功課,游水350m,茶大家樂,晚飯5人食.

昨晚2330瞓,夜所兩就今晨0642醒,瞓不返,賴床0845起床.

起來如常烚水搞早餐,0946早餐,衰豬醒咗在房手機,

1050佢娘返工,出門前交帶落,叫嫲嫲督B做功課?我加口話還有爺爺我指定的温書,衰豬苦埋口面?我話衰豬,長高不長智,大個做乞衣,因為昨晚同佢度高,高咗一寸有多.

1036嫲嫲量血壓144/85-61,量後搞個B早餐.

餐後嫲嫲督個做功課,我就走去攤床yt瞌吓,

瞌到一點多鐘,諗吓日日嚮企唔運動,遲早完,見今日天氣熱,一於去游轉水.

執齊游水嘢,1256單車出發,要穿過超級大工程,個迷宮水馬陣,又推又踩幾經難吓?1317才來到泳池.

更衣室搞掂一切,見個清潔工同我打招乎?差點認不出,唉!無來年幾兩年,所有職員都不同晒,唯一係佢還在做?於是乎舉隻手指公過佢.

聊兩句後池面熱身,陽光普照,泳客30多,稍熱身1350下水,落水不凍,游不到20m,以為移吓個泳鏡?一移眉心就扑一聲斷咗?大鑊!無奈捱埋嗰20m上池,返回更衣室,遇著剛才相熟位老員工,執副舊鏡上池頂住檔.

50m50m的慢游,游咗350m夠皮,1423起水走人,更衣室剛才位老員工已收工,為有副矇查查鏡,掉回原位,沖個靚涼走人.

離開泳池1452,同樣又經超級工程個迷宮水馬陣,迂迴下又推又踩1521才返回車場.

離開車場,1527過到大家樂,稍等嫲嫲B才到,兩個餐69蚊,嫲嫲吃後買餸,到回來惠康買咗135.8蚊,街市就52蚊菜料,就齊齊返歸.

回家1641,個仔冇耐都返,夜嫲嫲開飯,有雲吞雞,蒸左口魚,粉絲煮齋,嫲B我三人食,個仔倆留湯飯餸.

2203新抱返,回來兩公婆開飯,個B超眼睏,都走去瞓,而我就攤床寫blog備瞓.