2025/12/31(三)睡可/肚痛,新抱返工,午瞌睡,衰豬圖書館,黃蜂,茶薩莉亞,B踩單車晚飯5人食.

昨日為副眼鏡踩幾轉單車,又游成500m水,夜趕埋篇blog,攰到呀媽唔認得,9點半鐘都瞓.

0210醒,0532醒去所,就瞓不返,肚有些痛,捱到8點半鐘起床.

洗個面嗱淋辦事,誰知又便秘,坐低諗吓究竟乜事,咁情況木耳都係唔好食住,於是倒杯暖水食包麥維他消化餅,吃後似乎舒服多,唉!原來肚餓,吃後搞早餐,0950新返工,1006早餐,

餐後老婆蒲頭,量個血壓後1023出街,嫲嫲出門後冇耐衰豬就瞓醒,醒後乜都唔做,就睇手機,話佢幾句才去擦牙,牙擦又唔洗面?篤住佢才洗面,洗後問佢早餐乜?話要等嫲嫲喎?

1113老婆返,乜都無買到?話街市續約會員喎,回來就搞個B早餐,1127衰豬開餐.

衰豬開餐我都走去攤床yt瞌吓,12點鐘嫲嫲帶B去圖書館,話要同個借數學書喎?

兩點多嫲B空手返,話借唔掂,等佢娘明天搞喎?借唔到補習就不用去,回來冇耐衰豬嚇到走入來,話有蜜蜂?驚到係咁喊?後來嫲嫲用滅蚊拍,電咗下來?原來係隻黃蜂,好彩無比佢針到.

兩點多鐘,老婆來叫下午茶,成3點鐘出門,衰豬話要食麥記,成日食麥記,食薩莉亞.兩個餐76蚊加個魷魚30蚊同雞翼20蚊,合共126蚊.

吃過坐夠行惠康,無嘢買就街市買餸,衰豬唔肯留嚮街市,要出去球場玩,於是乎嫲嫲買餸,我同B出球場仔,出到球場仔不如去長幼個度瀡滑梯玩.

玩兩玩衰豬要去所,要求去老遠個廁所,我話返屋企去啦,其實怕返屋企唔再出來?後來應承佢再下來.

返歸1703,嫲嫲亦返到,買有三盒肉類100蚊,同梅菜18蚊,回來後衰豬要求踩單車,又好,都好耐無踩,於是摷部單車出來,就樓下球場仔踩.

太耐無踩非常生梳,踩耐咗好啲,跟住佢老豆放工到,就等佢老豆睇,我同老婆返歸.

回家都6點鐘,跟住父女都返,我都嗱淋沖涼,涼後攤床寫我今日blog.

夜2036開飯,嫲B我三人食,個仔倆留飯餸.

2122佢娘返,佢兩開飯.