金寶湯回憶錄,小學

金寶湯

40年代末金寶湯這裡灣仔誕生,出生時肥得很,像一盆發酵團粉,同屋一位打住家工馬姐,叫銀姐,見我咁大份,就按我花名稔孩,意思好大稔孩兒,家鄉四邑,鄉音下棯孩,變成(爛蟹)自始街坊朋友仔就稱我爛蟹LU.
家有個爺爺,從事船塢維修工人,父親做建築,承判木器判頭,母親主婦,一個大我好多年好惡家姐,一個大我兩年哥哥,一個細我5年個妹.本來還有個大家姐,老豆話日本仔打仗,病無藥瓜咗LU.

以前無幼稚園架嘢,適齡就跟隨大佬入讀這間漢明學校.唉!讀書奇差,無記性,默書讀千篇都係零雞蛋,年年留級,日日留堂,罸企打手板不計其數?最沒忘記,全日制中午留堂,母親帶飯來例有隻鹹蛋.回想讀書時唔入腦,?一定係有病?

年年留級,當然瘀到爆,C螺爛螺梗係要轉校,一轉就來到莊士頓道這間叫台山學校,圖圈住個位置,

升讀5年班,體育堂就近喇,就斜對面修頓球場,讀咗一年,讀個屁,爛泥又點扶上壁呢?又紐個老母轉校.
一轉就來到這裡三板街,一間叫香港學校,又讀五年班卦?

讀完叫做升六年班?可能地方所限卦?要來到這裡莊士敦道英京酒樓則邊上學,樓一層課室一個,記得校長有對唔知個侄仔同侄女做同學,讀書奇差我,矇查查就讀完個六年級LU,唉!畢業好似有影相,相最後好似無去攞,証書我就無,校長話若果有需要才給我喎?
就係咁就完成我小學生涯LU.

 

圖片摘自網絡

睡來可以,心臟覆診,血壓原來係咁,遇老醫生,食大家樂,晚飯兩人食.

昨晚如常出埋篇blog都瞓,湯水多夜所頻頻,半夜4點多鐘又醒,望望手機又瞓過,一瞓就7幾鐘醒,手機賴床8點鐘起來.

睡來可以,梳洗搞早餐食,上陣網餐後08:52量血壓144/74-58右手129/76-58辦妥一切事務才09:14.上輪網10點鐘,係時候準備吓,出門李家誠診所心臟科覆診.
10:20出門,單車過到李家誠診所10:37,百達通掛號80元,過南翼1/F內科交票,交妥在大堂坐,單車一條氣來到,當然要唞順條氣才量血壓,誰知大堂坐正個呀婆前面,呀婆不停哋同隔離個男人傾偈,傾得大大聲,男人大概係佢老公卦?說話長氣又話煮飯又食乜又唔食,係咁向著我後尾枕講,唉!頂你唔順為有走人,去個所回來以經10:50,醫生約咗11點鐘,為免叫到名又未量血壓?條氣還未喘定,就磅重房量血壓,10:55就輪到,一量151/90-86,唉!又會咁高?無偈.

返回大堂找個靜靜哋位坐,坐到11:15聽講播話太多病人,現在睇緊10:30啲病人喎?見有排才到,而且磅重房人少咗,於是埋去同姑娘講,先前匆忙未唞夠量血壓,可不可以讓我量多次?佢叫拿來睇吓,被佢一睇?說好靚吖,不用再量喇,我話151喎?你睇吓個表180才叫再做高?於是望吓?嘩!係啵?正想離開,諗吓都係返轉頭,問吓姑娘可以影低嗎?影啦.唉!早點知道個指引?就不用整個冬天騰晒雞啦?

返回大堂坐,坐到11:33就到我名,11房等候見醫生,

交過票尾護士,對過身份証,大約等咗10多分鐘,便入房見醫生,入到去一望原來係佢?係N年老醫生,我話無見好耐?佢覺得好奇?何以咁驚訝?我話重服務我們?佢才睇吓電腦,嘩!你1994年通波仔咁耐,嗰時應該係我做都似?我話嗰時通咗但又窄番?後來加個彈弓,嗰時係新手術,明珠台還初初介紹.
我話你應該退休嘆世界啦,佢話退休就C喎?之後就比本血壓薄過佢睇,紅字的都超140以上,又將這個冬天,見兩次診所見醫生,轉血壓藥同抽血講佢知,佢話天時冷一定高,下壓唔超就唔怕喎?
跟住睇我抽血報告,續樣數出來,我都忘記邊樣打邊樣?樣樣都話無事,跟住問埋佢診所兩次抽血,佢就話無事.
跟住就講藥,我就拿出我帶來藥盒,佢話無用,我都唔知啲藥,咁又係?咁多藥佢又點知吖?哈!跟住佢就指住個芒.,問我係咪喱隻食一粒呀?唉!英文我又點會識吖?斷估話係啦?
佢話同我轉過隻血壓藥,藥清楚後我就打蛇隨棍上,拿粒Neozep出來,我鼻敏感週時流鼻水,流到唔瞓得,試過好多種藥,又食又滴又噴鼻,都係唔得,但係喱隻傷風藥止得吓?可否比開啲比我?
佢一望,唔好食呀,男人最忌,食得多前列線有事呀,我話去到最嚴重,唔瞓得才食粒咋?佢話食到你迷懵瞓覺.
但又無明確比唔比?咁就出預約紙,出抽血單同藥單走得.開門時才見到,個醫生個牌,有個字同我一樣.
離開地下藥房交藥單,百達通一嘟,嘩?165元,交過藥單拿個藥號,嗱淋過威院嗰邊,抽血站預約,去到超多人排隊,兩個姑娘在條隊續一登記,編排時間同日子,埋到剩係蓋印搞掂.

搞掂返回藥房12:03,望吓顯示屏,嘩!差成二佰幾個.

咁就揾個位坐等,等等吓大鑊,無環保袋,啲藥點攞呀,諗起單車坐位個膠袋,於是單車處拿回來,之後又揾位坐等.
一等14:03終於輪到,原來傷風藥Neozep有比到,而血壓藥兩隻轉咗食一隻,跟住單車返歸.

回家14:30老婆在電腦遊戲,我就處理好啲藥,由食開6隻藥變為5隻藥,血壓藥兩隻變為一隻Bisoprolol Stada 5mg,尾綠色隻為傷風藥,用來睇門口.

成3點幾鐘同老婆食大家樂,新抱放假唔去喎?要過大圍喎?
大家樂老婆29我26蚊.

吃過坐夠行惠康,買有洗髮乳40蚊,朱古力條29.9蚊.

街市買餸,買有豬乸菜5.6蚊,茄子兩條6蚊,豆腐一件4.5蚊.

返歸17:04老婆繼續電腦,我就看電視,5點多鐘個仔放工返,話今晚佢兩不吃飯,好.
去到19:30個仔新抱街街,我就才來煮飯,豬乸菜煮半,茄子收起,豆腐切片,開火煮飯.
20:00開飯兩個人食,飯後果蕉.

大年初一,新年快樂,身體健康.

新年快樂,身體健康.

雞飛狗來,好事齊來.

1145煎糕煎雞翼,飲紅茶,

1455大家樂又唔係咁多啵?

 1615來到上水大佬度,

剝輪瓜子,睇輪個超大電視,電視真係好Q清,重看套丵美傳係唔同啲.

1700早點開飯,品嚐呀嫂一手好菜,還有大佬親手種的生菜,真係好爽甜,

2000食夾拎都走LU.

商場迷路,2015才行出另條橋到火車站.

三個人輪流抽,抽到隻嘢咁,回家2105,有排食.

夜瞓晨早醒,瞓唔好,整朝寫埋編blog,晏晏食大家樂,晚話之你唔食.

昨日同老馬石仔嶺探完萬昌,跟住元朗大榮華食埋判頭餐年夜飯,返歸剛好12點鐘,沖埋個涼0026量埋個血壓右手128/75-74左130/80-73才瞓.

瞓落床好衰唔衰又手機整理吓今日所拍啲照,重制作埋條音樂短片,一搞成1點45分才瞓,一瞓晨早5點40分,老婆返工落床一踩醒,去個所回來個鼻又唔生性,鼻水流流係咁打嚏噴嚏,咁就無得LU,手機又無電,就係咁攝高枕頭賴到0815起來.

天氣續暖,烚水梳洗弄早餐,無麵包淥個麵沖杯朱古力奶,上住網食,餐後0955量血壓154/81-68左手152/79-61食過今早藥,辦妥一切事務,又要寫我昨日長長日記.
一寫又12點半鐘,終於出blog了咗件事,稍為休陣又1點多鐘,老婆返,老婆還是電腦玩佢遊戲,瞓唔好既我,這時才懂得眼睏.
一恰成3點幾鐘,同老婆出街揾嘢食,還是樓下商場食大家樂,來到大家樂3點幾鐘依然咁多人,還好找到張吉枱,老婆29蚊餐我就23蚊餐.

吃過坐夠行惠康,9.9蚊買麥方包,19.9芝士咁抵,買夠兩包,

唉!挨年近特別多,比錢條隊排到長一長,門口等咗好耐,老婆才出來,街市買件豆腐4蚊返歸.
回家個以經返咗嚟,老婆依然上網遊戲,我就看陣電視,7點半鐘煮飯,料有豆腐,鹹蛋隻雞蛋兩隻,椰菜半個,隔夜鹹幾件同些蒸鹹雞雞汁.

幾件鹹雞炒椰菜

辣煎豆腐,

鹹蛋雞蛋蒸水蛋.

2018飯熟,大嗌三聲開飯啦,話你唔食,結果稍後才埋位,4個人食1夜返留飯餸.

飯後早點沖涼,2122量埋個血壓右手128/74-61左手126/72-61,2200出埋編blog又一日.

2018年2月1日,日誌.北上睇牙,口岸廁所靚咗,65級樓梯無喘到,老婆兩牙補一要脫,我就填補假牙吉位,廈崗食粥腸粉,地鐵保安職員好禮貌,晚飯4人食.

早前食花生食到牙都斷,

迫於無奈要找侄新抱搞搞佢?而老婆又話佢棚牙有事,又要搞搞喎?咁就約好個侄新抱今日睇牙.
今早8點鐘超寒冷凍下,好唔願都要起來,吃過早餐9點半鐘同老婆雙雙出門.
火車到上水站,由於銀包缺M,我就先行出出閘,柜員機撳撳錢,一舉兩得,出出閘慳番1.3蚊.全程15.3蚊,出出閘就14蚊,搞掂後返回月台,同老婆搭下班車.
過到福田口岸老婆急我亦急,呀超著褲,焗住口岸幫襯廁所,從來不願在大陸這邊解決,廁所污糟出名怕怕?結果截然不同,清潔乾淨連祙手紙都有,果然突飛猛進.
搞掂後就地下搭地鉄,唉!又要安檢,老婆又要買票,買票後就地鉄兩個站,1117來到要到地方會展中心.
成年無來過,地下商場之大,上算還記得吓,找到連城廣場了,一直行1121來到第4出口,就係喱度啦.
唉!要行這行65級樓梯,成10.4米高,足4層樓高,記得舊年來時,行得我上氣唔接下氣,哈!今日竟然一口氣行晒整行梯,一點不用停下來喘息,哈?可能新身體真的好咗?上咗樓梯行3分鐘,便來到我們要找的大廈.

真大轆?進入大廈要拍咭,又要詢問處說明,才有張有QR Code紙去拍才能進入.
上到去即時遇著侄新抱,咁就立即開工,侄新抱問邊個先呀?當然我先啦,斷隻牙喎?經佢睇過後,話首先磨番平隻斷牙位,然後假牙個位做番隻牙鑲回下去,咁我又問?咁隻斷牙腳可以不用理,佢話無發炎無壞係無問題喎,咁就安心.
大約廿多分鐘,經佢check過,磨平隻牙後,便輪老婆了,原來了老婆重大鑊,一隻蛀牙要剝,兩隻牙要補,連洗牙後,老婆大約用咗粒多啲鐘才搞掂.

在剝牙期間,見侄新抱打過麻醉針,等咗好一陣,好細心問過老婆有無痛,才用鉗左紐吓右紐吓剝出來,得番一隻腳,侄新抱再係咁摷個牙洞,摷埋啲殘餘出來,睇住條抽口水管,啲血不停吸出,嚇得我都唔敢睇.
老婆搞掂後侄新抱叫我們出廳坐等,侄新抱開工填補我棚假牙個吉位.
一搞成粒幾鐘,1440侄新抱才叫我入內,試戴棚假牙,起初一放進去,痛得我吖？後來試吓再磨吓終於搞掂.

非常感謝侄新抱後1510離開.
離開重還早去邊處好呢,?不如中心地下商場揾嘢食,

本來諗住食完嘢,搭一個站回福民行超市,唉!見深圳今日,物價都唔平,都係打消念頭,於是相反方向行商場,一直向崗廈站行去,沿途食市林立,真不知食乜好.

沿地下商場,行吓坐吓,

1545來到崗廈站,

於是乎蒲上去行吓,行過個街市同些食市.

終於選擇這間,似乎有點港式口味?老婆點咗個特價餐,皮蛋粥,义腸粉同油菜27蚊,7蚊加個南瓜粥兩個人食,粥後每人6蚊整杯豆漿.合共46蚊,又幾好啵.

吃過坐夠就係時候回程.

落到崗廈站,老婆又要唱錢買票,一問要進入安檢內才有得唱,老婆諗住唱錢無須安檢啦?誰知守通道位女三柴欄住,要安檢喎?老婆為有手袋過X機,個女保安好好人,話前面嘛有微信支付囉,哈!我話我係香港人,無微信支付,就來不用消費LU,佢才愕然?還問還我香港地鐵用不用安檢我喎?我話不用,有時間落去行吓啦,哈!不過好落後囉?一番好親切對話,令我感覺良好.
老婆唱好錢買了票,懵查查的我們,又要問職員,一樣的好親切指示,搭一個站轉4號線返福田口岸,在候車期間,候車人,真的出晒人才進入,今日深圳何止科技連禮貌都追過香港.
好快來到福田口岸,1708來到拍一拍慳3蚊地方,老婆嘟咭後,便更上一層過關LU.

惜日旅行集合出發地方.

無驚無險1840返回自家街市,20蚊買包齋鹵味,10蚊買包魚胶返歸.

夜老婆煮飯,個魚鬆蘿蔔就我來煮,2100開飯4個人食1夜返留飯餸.