5月14日(日)失眠,母親節,下雨天,新抱教會個B唔去,茶大家樂,惠康,街市,晚兩人食.

2023/05/14   星期日   雨   25C

昨晚如常早瞓,3點多醒去所,所後就瞓不返?捱成粒鐘,為有手機上網,上輪收音機下捱到6點幾鐘,才叫做瞓返,一瞓就0812醒,手機賴陣床0850起床,老婆跟住.

起來新抱已蒲頭沖涼,個B就在睡?冇耐個B瞓醒,出來叫早晨?衰豬又乖瞓醒唔揾媽咪?佢娘今日去教會,衰豬小有竟然唔跟去?佢娘就安排包鮮奶同個冬甩佢早餐,9056就我早餐.

衰豬咬到個冬甩一岩一忽,就話唔食喎?又要我來執手尾,原來衰豬掛住開壇劃水彩.

餐後辦埋件事睇電視,1145新抱返,跟住同個B換衫,1215都出門街街,1302老婆斷食開餐 .

去到兩點多鐘,老婆問落唔落街?屈咗成日家,都係落去行吓,落雨天我就摷番件膠風褸,老婆攞把遮,話係馬會遮來喎?唉!老人癡呆我都忘記?高生search吓幾隻字?果然某年入場投注,馬會送的.

落到大家樂1435,嘩!似乎幾多人吓?還好都有枱,落單就快出餐就慢,1457才有,我就芝士火腿西多餐27蚊,老婆熱檸水7蚊,母親節長者減8蚊喎?26蚊又好.

吃過坐夠上惠康,28級梯上來有點勉強?老婆買有比目魚扒兩包80蚊走人,跟住街市20蚊三份菜,兩油蜜一生菜走人.

回家1558我都嗱淋沖涼,期間個仔返,跟住母女返,涼後我都移師入房平板上網.

1825新抱買餸返,話惠康個姨姨送嘢比個B喎?嘩!個B都無去到,竟然有姨姨送嘢?果然有friends?

1930老婆煮妥開餐,有蒜蓉蒸比目魚同炒菜心,兩老食,餐後西瓜.

5月12日(五)睡可,踩轉馬廊,大圍麥記,買餸返,晚人齊火煱賀媽媽節.

2023/05/12   星期五   晴   25C

昨晚11點幾鐘瞓,一覺今晨0555醒,去個所回來就收音機下,矇矓到8點半鐘醒,續手機賴床,到9點半鐘才起床.

起來如常烚水搞早餐,1016早餐,

餐後無所事事睇電視,一睇又1130才辦我件事,辦埋件事睇吓手,都痊癒8,9.

1230新抱B放學返,我都係時候出去踩轉單車運動吓,1242起步,一條氣踩來馬海長廊1310,第二個亭坐.

坐輪wifi輪,至電個老婆,老婆話今晚打邊爐喎?唉!我都唔知道?原來母親節喎?咁就約好半小時後,大圍街市齊買餸啦,1411離開,馬不停蹄1443踩到大圍街市.

老婆已經到咗,齊齊上麥當奴,28級梯上來有點勉強,1449上到來,老婆19蚊同我要咗個魚柳包奶茶.

吃過坐過1522行街市,外便街市都無以前咁旺?N年無買餸我,樣樣望落都唔順眼?太貴了?還是老婆做買,我在外便等.

菜價同我哋街市差不多,叫做求其買啲咁,然後入街市買海鮮,都係老婆做買,我都係𥄫吓啲價?買後1551離開,1555放落單車籃,就各有各走.

1608返回單車場,一共踩咗我13分鐘,行回家我對腳以經有點軟,回家1618買有白蘿蔔一條4蚊,生蝦60蚊同蜆30蚊.

回家放下買來的,我都嗱淋沖涼,期間咾婆返個仔返,個仔就帶咗啲凍肉返,有4包丸同3包肥牛,老婆返就樓下街市再56蚊菜返.

涼後都入房平板上網寫寫今日blog.

1819呀偉到,跟住新抱B亦返到,呀偉帶咗生蠔上來,1953開蠔食,到2030個女到就買咗個西瓜上來.

2115個仔沖完涼,就開始大遷徙,廳所有搬入房,我就被移動到廚房企,到搞掂後就開壇,2133開火打邊爐.

火鍋後個廳還原,就媽媽節快樂,老婆新抱個B齊齊切蛋糕,母親節快樂.

食埋蛋糕,就我來切西瓜,個女呀偉食埋西瓜才返歸.

5月11日(四)睡可,老婆大圍買餸,Scan舊照,茶大家樂,惠康,柜員機體驗手機提款,晚餐兩人食.

2023/05/11   星期四   晴   24C

昨晚有馬無賭,11點多鐘瞓,夜所兩今早7點半醒,手機賴床,一賴9點鐘,同老婆齊起床.睡來可以,氣溫24C,如常烚水搞早餐,0950早餐.

餐後辦埋件事睇電視.

一睇又1138,老婆過大圍買餸,百無聊賴我,不如揾啲老年舊照出來scan吓.

1258老婆返,大圍買咗205蚊餸,有菜30蚊,烏頭30蚊,黃花兩條45蚊,無激素凍肉4包100蚊,合共205蚊,話來回行路喎?回來就搞佢斷食餐,1326母女返,1345老婆開餐,我都係時候收機搬竇.

1450老婆搞掂一切,係時候落街行吓,商場食大家樂,我就28蚊食個豬扒烏冬餐,老婆7蚊熱檸水,

吃過坐夠上惠康,昨日踩轉單車,今日28級梯上來還算可以,惠康老婆買咗22蚊嘢走人.

行經銀行理財,真係好想試吓個手機提款?觀察咗輪又無標示可以?見內裡職員好休閒?於是入去問吓?女職員叫我打開個手機app,按手機提款,跟住輸入密碼,然後跟指示,就試吓提800蚊試吓?然後埋柜員機按手機提款,柜員機螢幕就顯示個QR曲,電話一掃,就拿錢搞掂,由於太過癮,於是又體驗多次,今劑攞夠1500走人.

無須買餸回家1633,我都嗱淋沖涼,涼後個仔都返,我都入房平板上網.

1926老婆叫開餐,有蒸烏頭魚,瘦肉炒菜心,兩個人食,結果蒸魚好失敗,蒸極唔熟?番蒸又番蒸.

5月10日(三)睡可,單車大圍打氣,隆亨華仔吹水,茶大家樂,週三惠康,晚兩人食.

2023/05/10   星期三   陰   24C

昨晚成12點鐘瞓,無夜所,一瞓今晨0615醒去所,之後就手機賴,賴到9點鐘起床.

起來氣温24C,如常烚水搞早餐,先行食劑木耳,0946早餐,澳門班長f.b訊息到,問候手傷?於是乎拍張照過佢睇吓.

餐後辦埋件事睇電視,昨日沽股擺烏龍,沽一半變沽剩一手,今早睇番又似乎無沽錯啵?昨日編blog太眼瞓寫未完?就等我來邊寫邊電視寫埋佢,一寫又1145.

1212正出門踩轉單車,華仔就來電吹水,話昨化療,等陣球場仔跑步喎?見佢話球場仔跑步?見部單車都要過大圍單車鋪打氣,不如順路過來揾你吹水.

收線後帶埋較剪,落到單車場,1235起步,先過大圍單車鋪打氣,打後踩去新翠邨,再過隆亨,隆亨段全是屋邨行人路,肯定神曾鬼厭?為有盡量小心慢踩.

1258來到球場,華仔在跑步,我就剪剪塊車籃蓋,佢未跑完我都叫做郁吓我四肢,吹咗陣水佢老婆到,鵝兩吓都走,

1327老婆斷食開餐.

同華仔吹到1415我都走,同樣來時條路走,小心翼翼一路踩出隆亨邨,才單車徑踩回自己屋邨,一入邨就聽見孫女大叫爺爺?原來母女出街,傾兩句便踩回車場.

已經1432至電老婆,老婆叫大家樂等.

老婆到我就28蚊個豬扒烏冬餐,老婆7蚊熱檸水,吃過坐夠上惠康,28級梯上來可以,以前星期三長者日,會有好多嘢買吓?自從消費券一出,乜都加,加到買不下手,踱來踱去只買有雞蛋兩排39.6蚊,6片麥方包10.5蚊同兩盒鮮奶25.2蚊走人,跟住街市,無嘢買返歸.

回家1620,新抱B未返,我都嗱淋沖涼,涼後1645三口子齊返,個B立即曬公仔,話15蚊夾喎?佢娘話係正版貨喎?買要百多元喎?

踩完單車都有點累,我都入房床攤唞吓,下來佢三口子就忙沖煮食.

1923老婆叫開餐,有炒菜芯,香煎或魚,兩個人食.

5月6日(六)失眠,個B英文課,薰油冶碗痛,踩轉恆明,茶大家樂,夜三口子回娘家,晚兩人食.

2023/05/6   星期六   晴   29C

昨晚平板輪11點鐘瞓,兩點零所,到4點零又所,就瞓不返,手機賴到無電,又平板youtube賴,樣樣出齊,賴到才9點鐘起床.

起來氣溫29C,新抱B老婆陸續蒲頭,梳洗後先行木耳漿,才慢慢來烚水搞早餐.0950早餐.

1030新抱B出門,石門個B上英文課,我辦埋件事睇電視,睇輪電視11點半鐘,昨日無晴晴左手碗痛,痛得厲害,老婆幫搽些香薰油,竟然今日好得8,9?唔差在老婆再搽多次,手碗無痛,今日一於踩番轉單車.

手傷至今9日,1215出門,1222起步,一Q踩去馬鞍山,恆明公園仔坐,佢娘親吖?政府wifi竟然失靈?

坐輪係咁易郁吓,又電話揾老馬吹吓水,1359都回程.

一踩36分鐘1437返回車場,至電老下來食大家樂,1449老婆到,我就35蚊食個熱狗沙律餐,老婆齋飲杯熱檸水.

 吃過坐夠上惠康,28級梯上來還可以,惠康得個行字,門口執塊紙皮似乎又啱用?都好?一於拿去做單車籃冚?落到街市老婆買菜,我就走去整車籃蓋,搞掂老婆亦到,便齊齊返歸.

返到來出𨋢,剛好新抱B出門,今晚三口子返娘家?個仔收工直接去.

回家1621嗱淋沖涼,涼後上網寫今日blog. 

1932老婆煮妥開餐,有牛肉炒菜芯,蒸黃花魚兩個人食.