睡來可以,長者日整日在家,食大家樂,腳惡化行不得,呻足整鼻水,馬無賭,晚飯5人食.

昨晚老婆催促叫洗鼻,唉!洗就唧兩唧11點鐘都瞓,一覺今晨5點鐘醒,哈!老婆失眠在手機,我去個所回來我,唉!又輪到我瞓不返,閉著賴著等瞓著,就咁矇矓到0740,收音機賴床,個鼻便開來料,起初塞塞哋,越呻就越鼻水,越呻越多,無制一樣,0825頂佢唔順起床.

起來鼻水繼續,梳洗搞早餐,勉強洗埋個鼻,上網食早餐,老婆失眠我都係無謂騷擾佢.
上陣網老婆瞓醒,自搞早餐,餐後辦我事務,就輪到老婆上網.
辦妥事務望吓廚房個南瓜,嘩!爛喇,索性開咗佢,切走啲爛的,得番半個?順手切埋佢?做乜好呢,不如就南瓜餅.蒸熟食嚿試吓,嘩!好甜,不用落糖,搓爛溝糯米粉煎得,搞掂1250.

馬又開跑,手機踱輪馬,無頭緒,都係等佢跑過兩場踱過?不如又開石榴食吓,哈!喱個又幾甜吓?

兩點多鐘老婆上夠網叫下午茶,3點鐘行出門口,嘩!差點跪咗落地,簡直唔行得?嗱淋叫老婆攞拐杖,後來隻腳鬆吓伸展吓,叫做行得吓,應該係做南瓜餅時企得太耐?
趌跛跛落到大家樂,老婆31蚊餐,我就26餐,老婆又騎刼我杯豆冰.

吃過坐夠上惠康,買有維達廁紙兩條54蚊,家樂氏米奇縠物米片18.5蚊,趌跛關係,老婆街市買餸,我先行球場仔坐,踱住馬仔等老婆,拿住第9場隻大熱,諗下場門馬,可惜踱極都唔知那隻好?老婆亦返到買有蕃茄同紅蘿蔔13.5蚊同瘦肉20蚊,記然諗不掂,唔賭返歸.

回家1723個仔以經回來,而第9場就跑完,果然大熱勝出,老婆處理今晚餐飯,我就開電腦寫寫blog.
第10場開跑,結果又係雷神勝出,好彩無賭.
8點鐘個女上來食飯,2023老婆飯熟開飯,有粉絲蝦米煮節瓜,梅菜煎肉餅,紅蘿蔔蕃茄薯仔湯,4個人食1夜返留湯飯餸.