9月13日(三)睡可,手碗痛,顯徑買消炎藥,茶大家樂,消炎藥,賭馬10蚊,晚飯4人食.

2023/09/13   星期三   晴   29C

昨晚如常11點幾鐘瞓,夜所依然?瞓到7點幾鐘醒,手痛手機都不用諗,咁易賴陣床都起床.

起來都懶郁,坐響廳睇住新抱B早餐,0845出埋門返學,老婆蒲頭我才洗面搞早餐,早餐都要係老婆幫手搞.1002量埋個血壓早餐.

 餐後入房攤床諗兩諗,手痛咗幾日都未好轉過?唉!都係過顯徑買消炎藥?拿埋盒11點零同老婆出門,過到顯徑1136,直行去商場藥房,都好多年無買過?都諗住未必有賣,一問之下有喎?問佢幾錢?竟然賣200蚊盒?散賣22蚊喎?記得以前買都係100蚊鬆啲?後來講兩講180蚊,唉!痛起上來都要買,買後谷鬼氣就在門口摷吓N年買的紀錄,一摷2015買過100蚊盒,2017年買過90蚊盒,嘩!貴成倍價錢?

痛都無偈,買後就園內坐吓.

坐不到一陣落雨,重鬼咁大雨,走入街市行吓?行咗陣1220都走.

返回屋企樓下,見拍咗部單車樓下咁耐?手就痛咁耐?不如轉轉另位置?鎖好單車老婆入街市買菜,我就先返回家,到老婆返1258,買有三樣菜16蚊,豬展30蚊,回來就搞佢中午餐晏兼煲落湯,1332老婆開餐.

行轉顯徑累累哋我都攤唞吓,兩點多鐘新抱B返,回來食點嘢就做功課.

去到3點多啲鐘,同老婆下午茶,大家樂晏來大把枱,手痛又無胃口,求其27蚊食個雞寶包餐,老婆7蚊檸水,食咗個包1545食粒消炎藥,藥後上惠康,惠康買有大蛋兩排40.5蚊,益生菌兩排12.6蚊走人,街市老婆20蚊三樣菜返歸.

回家1628,新抱還在篤B做功課,衰豬又叫眼瞓咋晒形?個老母篤到行無偈?我都早點沖涼,涼後坐廳涼風扇,坐到1730個B老豆返,我都入房電視兼寫寫blog,今晚夜馬,可惜小貓三兩隻,而粒消炎藥開始湊效,寫blog打字無問題.

寫輪blog踱吓馬仔,2110整10蚊孖寶玩吓,頭關潘頓大熱玩完.次關3號跑第三夠冷位置派146蚊.

2118開飯4個人食.