10月1日(日)國慶日,收音機塞耳塞天光,早餐蕃薯,新抱教會,個B在瞓,精祌差瞓兩覺,有馬無賭,茶大家樂,晚飯4人食.

2023/10/01   星期日   晴   30C   國慶日

昨晚新抱B有節目,玩到2340返,我都上床待瞓,收音機塞耳下,塞到今早7點多鐘醒,手機賴床,8點半鐘起床.

起來如常烚水,早餐無麵包,為有烚蕃薯,飲麥精維他奶,0915搞掂食得.

餐後辦埋件事,10點鐘量血壓133/72-56,而新抱就出門教會,出前話個B還在瞓,叫瞓醒早餐食蛋糕仔喎,我就精神唔多好,又走去床瞌下.

又比我瞓著,瞓到11點多啲鐘,個衰豬走來大聲叫爺爺,就咁被佢叫醒,嫲嫲話佢唔肯食蛋糕仔喎?鮮奶又無喎?氹佢食蕃薯吖?又唔肯,吖!不如教你煎蛋整餅吖?衰豬見有得玩點晒頭,於是乎麥精奶,班戟粉,一隻雞蛋,衰豬爭住來做,唉!你邊識吖?為有間中比佢搞吓,担埋櫈仔,比隻鑊鏟過佢,等佢過吓癮,1211倒杯麥精過佢,搽點花生醬落餅等佢食到夠,唉!結果又係食剩,我執手尾.

餐完剛好佢娘返,個B交回過佢,1307輪到老婆開餐,

我睇埋個新聞又走入房床瞓陣,一瞓兩點醒,才醒起今日跑馬,馬已跑三場,就嚮床踱吓?唉!越來越唔識賭,起來新抱B穿好晒衫準備出街?衰豬扭計,唔肯孭背囊,大概背囊要孭水樽掛?佢娘話唔孭就留響企跟嫲嫲,後來喊住口孭背囊出門.

成3點半鐘老婆叫唔好落街,食蕃薯喎?唉!馬唔識賭一於落街行吓,落到樓下大堂,座頭呀伯話個B喊住出街喎?係呀扭計呀.

 去到大家樂,晏來大把枱,唉!都唔知食乜好?諗咗輪都係32蚊食豬扒包餐,老婆依舊熱檸水,吃過坐夠1635上惠康,買11.5麵包走人,街市老婆買7蚊生菜返歸.

回家1652個仔已回來,搞緊佢至愛模型,我都嗱淋沖涼,涼後入房寫寫blog.

1812新抱B返,回來又閙到個B狗血淋?話佢馬鉄站四圍跳喎,話唔聽?差點趴地喎?

1852老婆開餐,有木瓜煲鴨湯,灼淥生菜.

寫輪blog2039又追吓月.

2100煙花下叫開飯,有嫲嫲煲的木瓜煲鴨,飯餸就新抱買外賣,4個人食.