昨晚11點鐘瞓,3點半鐘醒去所,回來都諗住慣性失眠,於是歌仔set下半小時,竟然就咁瞓著,一瞓就今早7點半鐘醒,感覺都係有點夢,收音機下賴床,9點鐘起來.
起來新抱B已出門返學,如常烚水搞早餐,老婆蒲頭,0957早餐.
餐後辦埋件事,竟然順暢,昨晚肚瀉咗鑊,今早竟然都咁順?事後平板上網,寫寫我啲莫名其妙往事,1150嫲嫲出門接B.
1225嫲嫲接B返,我都暫停收檔,老婆著手佢午餐,衰豬一返來就機不離手,跟住要食花生醬麵包,嫲嫲又炒兩雙蛋過佢食.
個B今日學校旅行,西貢獅子會喎,今日無功課喎.
已經1257我都要執嘢去游水,行出門才醒起棚假牙,又返轉頭攞,昨晚保麗淨浸落,果然啲漬無晒,花啲錢係唔同.
1306攞單車,1317到泳池,更衣室搞掂,池面熱身,泳客唔多,得廿鬆啲人.
1330下水,100m100m的游,湊夠500m,1406起水走人,更衣室沖個勁熱水涼,1430離開.
1452到大家樂,稍等嫲嫲同B到,衰豬一到還未坐定,就要我手機,要食义燒喎?就要個义飯餐加雞翼,老婆就熱檸水,合共37蚊.
吃過坐夠上惠康,衰豬唔肯,話嫲嫲昨日應承佢踩單車喎?我話惠康買完才踩啦,衰豬都肯.
咁就行轉惠康,買有麵包13.5蚊,泰國大蛋4排86蚊走人,我就同個B返歸攞單車,老婆就街市買餸.
回家放下買的,個B以經急不及待,騎住單車門口等,跟住老婆已經返到,買有菜同魚合共80蚊.
同個B先落樓下球仔玩,老婆跟手都到,個B有個B玩,我同老婆吹吹水,冇耐個B老豆到,1637我同老婆都先行返歸.
回家老婆就處理佢今晚餐,夜馬關係我都嗱淋寫寫今日blog,1705父女返,話個B跳似扭襯腳喎?嫲嫲同佢搽搽油,希望係小事一盅,1730新抱返,買有老婆餅食.
1830馬開跑踱馬仔.
2112開飯,4個人食.
夜馬本應中尾場,當時6搭9連贏有600多,厭分得少,填咗都係取消,結果無買跑出,跑完得派319.5蚊,
又第4口孖寶頭關,買女騎師杜苑欣,郤跑出另女騎師金美琪,結果全晚輸我10蚊算,
沒有留言:
張貼留言