睡可
昨晚11點前瞓,夜所兩就今早0712醒,睡來夢多,賴床8點半起床.如常烚水搞早餐,0928早餐,0950新抱返工,餐後辦埋件事,老婆煲夠劇蒲頭,我就電腦寫昨日blog.
八陣圖
一寫12點鐘嗱淋收機,要趕去富豪花園中土聚,1215到單車場,老馬已經來電催促,由於獅子山公路同大涌橋路有大工程,隧道封咗,要兜去沙田頭村過曾大屋,一落到沙田頭村,嘩?八陣圖咁?啲水馬多到似迷宮?水馬同水馬間路又窄,一路踩一路揾?一直踩到村篤,都唔見條隧道?冇禮貌大叔
見到個大叔,問吓佢條隧道?佢老味吖?佢指住我後便話,嗰度排垃圾筒雞乸咁大隻字,嘛係囉,吹漲.
迷宮
踩到過去,兩傍水馬窄窄條路仔,才順利踩過曾大屋,出咗去還有都好遠路程?要經乙明,沙角,河畔,麗豪同黃屋花園才到,1237才來到富豪花園.
中土會
鎖好單車行入商場,全無標誌?要問句人才找到個門口,上到去1243,幾條友已經到齊開緊餐,坐下還要戴副假牙才開餐.
無所不談
老友聚頭無所不談,陳成去完北京月尾又話去張家界,何基又話抱孫,話吓啲網傳私隠,唉!條友毫無忌憚?連個仔証件都照傳,勸句又反駁,唉!大部份人係咁,都唔聽勸,嘥氣?講吓政治講吓健康.
兩蚊雞
傾輪1355威哥有事走先,話過北角炮台山喎?嗰個又話搭乜搭物?唉!兩蚊雞,隧巴紅磡轉隧巴就搞掂啦,威哥走後,4條友傾到1442,陳成找數走人.
黃屋聊
離開陳成巴士走,何基意猶未盡,又話要去飲杯嘢再傾?附近邊有飲嘢地方呢?不如行幾步黃屋花園坐好過.
設施多咗
我拿部單車行,去花園又話大風涷,又要行落較低地方坐,黃屋多咗好多設施,上次來只不過5月28日,多咗啲老人運動設施,新型飲水機,三條傾到1535,大家去個所都諗住散.
唔願走
見部單車瞓咗落地下,於是扶番起,何基又話要揾地方飲嘢再聊?於是佢繼續行,1556行到河畔巴士站,條友無奈下搭車走.
失鎖鍊
我同老馬就各自走,我就單車踩落城門河邊,才發覺單車籃吉的?膠袋同條鎖鍊無咗?才諗起黃屋去所出來,部單車瞓咗落地,扶起咗就無理到個籃?唉!是但啦,又唔多值錢,續踩到獅子山公路同大涌橋路間,大工程又入迷宮,踩吓行吓終於蒲上車公廟站.
修單車
見單車無咗條鍊,於是乎踩回屋企,以為摷條鎖噴噴啲W40算,又見個後制拖轆,於是乎搞吓佢,5點半鐘老婆返.
累得我C
唉!一搞成兩粒鐘,還未算掂,太辛苦算數,還要老婆來善後,我才把單車踩回車場.
補習返
回家沖個大熱水涼,個人散晒,個仔返,1835個B補完習返.
煮兩味
老婆又話兩條黃腳立唔識搞?又要我來搞,撲好鹽蒸熟,炒埋個蒜心搞掂,老婆煲妥個鷓鴣老火湯.
晚飯
2049開飯,嫲B我三人食,個仔倆留湯飯餸.
沒有留言:
張貼留言