2025/11/19(三)早醒/麻麻,新抱返工,電腦寫昨日blog,茶麥當勞,高低不成,惠康,晚飯5人食.

昨晚11點半鐘瞓,2點所5點所就瞓 不返,收音機C捱下,半瞓到8點半鐘起床.

起來如常搞早,醒起還有條印尼姐蕃薯,於是切粒烚咗佢分餐食,1001早餐.

餐後1030老婆蒲頭,我辦埋件事11點鐘,又開波電腦寫我昨blog.

一寫1338老婆開餐,關機又食些少,吃後搞埋篇blog.

3點鐘老婆出門接B放學,3點半鐘落商場同老婆會合.

麥當奴

1737到商場個B已入補習社,老婆叫食麥當勞,話apps買個餐39蚊有雪糕喎?及個B先前20蚊,合共59蚊.

漏默書紙

到老婆買餐到,就話個B漏帶默書張紙?要返歸攞比佢喎?咁我就食住等,到老婆返食埋杯雪糕,坐夠離開.

高不成低不就

離開就商場日用品臨時檔,老婆睇吓有乜啱買?我就見個婆婆睇中個蒸架,隻手探極都唔到?我就幫吓佢,探手替她拿下來,猛咁叫唔該,我話我都叻你唔多?到佢比完錢,就跌咗條繩落地,個收銀叫佢執番走,個婆婆話係用來度長度,度完成唔要囉,收銀話唔要都唔可以留嚮度,婆婆話我踎唔得低,見佢高不成低不就,就我來幫你執,執後婆婆自己拿去掉.

惠康長者日

老婆就買咗三樣嘢29蚊,買後週三上惠康,惠康長者日買滿120九折,兼夾m字又九折,職員好熟介紹包御品皇茉莉米?話好食,買埋支橄欖油,兩樣折上折,兩排蛋合共185.2蚊走人,街市買53蚊菜料返歸.

回家1739,個仔跟住返到,6點半鐘老豆接B返.

2039嫲嫲開飯,個B我三人食,個仔倆留飯餸,飯後果蘋果.