2026/02/10(二)失眠/可以,新抱返工,新抱返工,交手機費39,午yt瞌,茶麥當奴,老婆牙醫覆診完,晚飯5人食.

昨晚11點前都瞓,一覺0330醒,去個所又瞓不返?捱到5點幾6點瞓返,7點鐘醒,賴床8點半鐘起床.

如常烚水搞早餐,0936早餐,餐後辦事又便秘?

1050新抱返工,我都電腦上上網,老婆搞清潔.

上輪網1229交手機費39蚊,交後攤床yt瞌.

3點點鐘老婆出門接B放學,稍後我就落商場會合,1525落到去,老婆已在麥記,話衰豬嘢都唔食,見補習社開門以經入咗去喎?衰豬補習我同老婆食麥記,老婆20餐我20餐.

吃過坐夠4點鐘,老婆過大圍見牙醫,我就回家.

1805老婆返,買有大家樂鹹雞隻51蚊,罐頭粟米蓉兩罐21蚊,話今次睇牙醫係最後喎?睇完牙,洗埋牙喎,用咗醫療券620蚊?牙醫話已經打咗折喎?

老婆返個仔都跟住返到,回來還是佢至愛砌模型,7點半鐘衰豬電話到,佢老豆接.回來以經成8點鐘.

個B夜返,成2116開飯,餸.嫲B我三人食,個仔倆留湯飯.

2215佢娘返,我都上床備瞓.