2026/02/28(六)睡好/神可,半夜警鐘鳴,個女留宿,個仔倆放假,換銀不成,茶百份百,母女街街,晚飯一人煮食,新花灑頭.

昨晚11點半鐘瞓,4點鐘醒去所,冇耐就聽到警鐘響?響咗好耐才起來窗外望?見落雨但無乜動靜?睇咗陣有消防車響聲,冇耐就駛到來樓下,心諗唔係我嗰座嘛?於是開門出去昅吓?見有幾個消防員在地吓,走去個消防制箱,冇耐警鐘就停咗,見無事都成4點半鐘,我都返床瞓過.

一瞓就今早8點半鐘醒,賴床9點鐘起床.

起來新抱已出門,送B返陶瓷班,個女就梳化瞓,我就如常烚水搞早餐,老婆蒲頭,個女入房瞓,早餐烚蛋老婆又話烚埋佢一隻,個女聽見佢又要一隻,烚妥,1015我都早餐.

餐後辦埋件事,電腦寫blog,寫夠個女瞓咗張床,焗住睇電視,.

去到1點多鐘個女瞓夠蒲頭,我才入房攤床yt瞌吓.

1410新抱B返,話座頭呀姐講,半夜警鐘響係有人困𨋢喎.

回來就立即開壇督個B功課,個仔就瞓到現在才蒲頭,老婆就入來催叫下午茶.

我就襯個女響度,特登帶埋啲生銅銹銀仔,等陣商場部收碎銀機,等個女教路換咗佢?

1515去到部換銀仔機,一撳之下原來要收費?再睇真啲有銹銀仔,如部機出事壞咗要負責?

諗落嗰10元8塊銀仔,都係制唔過?後來老婆用佢無問題銀仔試換,成功換妥,不過扣咗1蚊多費用.

試完部機後就百份百下午茶,叫咗三個茶餐,吃過坐夠個女找數,1612離開.

離開母女去街街,我就返歸.

回家1620,新抱剛督完個B功課,母女話打羽毛球,剛好又落雨,母女就去𨋢堂打.

1810三口出街晚飯,我就睇輪電視,才慢條斯理煮飯,有乜煮乜一煲過,1918開飯一人食.

飯後做妥睡前一切,電腦寫blog,

2140三口返,買咗個新花灑頭90蚊,佢哋返我都收機上床備瞓,老婆就成11點鐘才返到.