2026/03/28(六)難眠/多夢/超差,新抱B北上,早餐大家樂,撳錢,踩陣老人車,午yt,茶麥記,老婆女街街,晚鑊煮兩人食.

昨晚12點前都瞓,夜瞓難眠,成兩點幾未能瞓著,0530醒所,收音機下6點點才瞓返,到0840夢驚醒,發咗個長長的夢.

夢見同個工友,我袋住70幾萬在間裝修緊二樓,環境像在舊式街市二樓,非常狹窄,忘記咗除下件70幾萬既風褸?換過件衫就離開.倆人去食中午,才發覺漏咗件衫,嗰時好驚,嗱淋叫拍檔自己去食先,我就返回去攞,70幾萬怕失掉,非常緊張前去?

去到兩泥水工正在批盪,地方狹窄要佢停下來才上到去,發覺風褸還在,感覺啲錢還在?

咁就穿回70幾萬件衫,回去同工友食中午,在間好狹窄賣蛇羹鋪頭食,人多地方細,十足小巴車頭位咁窄,咁就醒咗.

醒後0840,嗱淋寫下個夢,0920才起床.

起來老婆新抱B陸續蒲頭,今日答應老婆出街食早餐,辦妥早上一切1055新抱B先行出門,聽講同親家北上喎?隨後我同老婆才出門.

落到大家樂1105,同老婆講我要胡椒包早餐,找好枱坐下,老婆捧餐到,竟然係胡椒包炒麵餐?好失望跟我幾拾年,老公多數乜早餐都唔知?梗係西式煎蛋之類啦.

於是同老婆對掉個餐來食,我就沙嗲牛煎蛋麵32蚊,胡椒包炒麵餐就31蚊.

吃過坐夠1230走人,過馬鉄站撳機攞錢,撳後返屋企樓下踩老人車.

踩後回家1341,睇輪電視1440,又攤床yt瞌吓,1530老婆叫下午茶.

1552兩老食麥當勞,26蚊買個漢堡包餐,同老婆兩份食.

吃過坐夠成5點鐘上惠康,13.5蚊買嚿方包走人,

離開惠康老婆約咗個女街街,我就自行返歸.

回家1720,睇陣電視沖涼,個仔返,我都攤床瞌吓.

到7點半鐘,問聲個仔你食唔食飯?食就煮埋你,於是雪柜料,有蕃茄,臘腸,兩隻蛋同小許鹹魚仔,兩人食煲仔唔夠大?要飯焦於是用個鑊來煮.

2038搞掂開飯,臘腸鑊仔飯,蒸水蛋,沙糖鮮蕃茄,個仔留飯餸,吃後卜卜脆飯焦.

2136個仔沖完才開飯.2213新抱B返.2303輪到老婆返.