2026/05/18(一)失眠/還可,新抱返工,整朝backup,晚龍寶恆勝聚.搞相搞到3點鐘.

昨晚12點鐘瞓,0315夢醒所,回來就瞓不返,捱輪手機賴,到5點鐘再試瞓過,好彩瞓返到0745醒去所,回來賴床近9點鐘起床.

如常搞早餐,0934早餐,餐後老婆蒲頭,我都辦事,昨晚京葱果然了得,去來暢通,事後1050新抱返工.事後電視,夢華錄.

一睇1145攤床yt瞌,瞌到點多鐘諗住電腦寫寫blog,1346老婆就煮咗個肥牛粉絲煲,焗住又要我食碗?

食不到兩啖電話響?罕有光仔來電?話今晚恆勝友聚?叫今晚一定要來,仲話請埋我份錢喎?

一頭霧水睇吓wts.原來吹雞吹咗好耐?有乜辦法吖?成個群組都係早晨報到圖?晨早已經封存冇睇.

以前聚每次都係石門富臨皇宮,今鋪要出到油麻地,恆豐中心龍寶宴會廳?自從腳跛跛大半年,都無獨自離開過沙田?

電腦搞backup到1800,係時候要出門油麻地恆勝友聚,唔出門唔知道?原來Google Map都有交通車埋站時間?唔用到真係唔知道?都好長知識,巴士站等咗陣1816有車.

1842已經到長樂街下車,無帶拐扙我,拐吓拐吓過咗條佐頓道就係龍寶宴會廳,佢娘親吖?要擒7,8級特高樓梯才到𨋢門口?唉!又尷尬又攞命拉住扶手躪上去,乘𨋢上三樓.

上到去,咦?又幾旺啵,9成客滿,入到去1851,四條友已經到咗,坐吓傾咗好一陣,兩條友才前後腳到.

來到就開波,要咗個(半席)九大簋,千鬆啲蚊,一共11個菜,7條友3個還在高薪要職,退休26年我,冇旅遊冇在職?無嘢好講?一個剛長江三峽旅行返,一個意大利返,坐遊輪點點點?唔方便我,就坐定定吃同影吓相.

11度菜終於到尾橙,嘩?未食過咁酸既橙?食不到兩楷,酸到要放低?以為臨尾去個所啦?佢老味吖,廁所都高成好幾級?慢吞吞又上又落.

11個菜有1,燒味拼盤2,蝦球伊麵3,彩鳯花枝片4,百花釀蟹鉗5,花膠雞絲翅6,炒龍躉班球7,蒸龍躉頭腩8,花菇扒翡翠9,客家鹽焗雞10,蓮蓉大蟠桃11,鮮時果.

吃過坐夠2110埋單A/A制,每位近200元,江仔又找埋我條數,找數後江仔每人派張糉券,又好有糉食.

2118散band,離開剛橫過彌敦道,望住部81C開出?唉!走車又要等?2139有車,返回沙田2205下車.

回家2215,全屋人在家,我都嗱淋沖涼,涼後辦埋睡前一切,攤床搞我剛恆勝友聚相片.

搞到12點鐘,諗住搞條音樂短片,搞來搞去唔理想?成0300點鐘才瞓.