睡來可以,鼻水醒,整朝煲劇,個仔南丫島渡假,游水600m,下午茶大乜樂,無須買餸晚飯2人食.

昨晚飯後出埋篇blog關機,叫做睇埋套嘈喧巴閉,we wa鬼叫既魔術都瞓,一覺5點多鼻水積壓醒,去個所呻輪,就瞓到今早近9點醒,無賴床起來,洗面搞早餐食,量血壓126/73-59,食過今早藥,寫陣blog辦大事.
辦事完畢搞掂一切又10點08分,今日事上網,看陣新聞就無所事事,又摷番套劇出來煲吓,一煲又整個上午.

又12點40分,個仔同新抱出門,放假喎?南丫島渡假喎.
幾日來無去游水，係時候去游番轉,執好嘢1點鐘出門,李麗微吖?落雨添?索性開電視午間新聞,望不到兩吓,恰著咗,恰醒1點20分,望吓外出.無雨出太陽添?嗱淋出門去游水.
 落到街見處處有人修理樹木同清理,單車出到城河1點38分,唉!又落雨,雨勢大無偈,為有停埋一邊等雨停,

還好落了一陣又無,過到池1點48分,更衣室遇見員工肥仔,又傾兩句,交流吓昨日打風遭遇.
搞掂一切上池,無太陽泳客少,稍熱身2點06分下水,人小獨享一條水線,涼涼哋一條氣游600m.兩點38分起水走人.
更衣室搞掂一切,至電老婆今晚不用買餸,回家再算,同呀吹兩句水走人.回程時晴時雨,搞到衫都濕,返回單車場3點18分,鎝好部單車至電個老婆,樓下大乜樂.
大乜樂等咗輪,老婆才斯斯然到,唔駛講遊戲離不開手?每人食個下午茶餐,老婆23我24,

食過坐夠行惠乜,無嘢好買便打道回府.
返歸4點35分,同老婆各自上網,佢遊戲我寫今日blog.
7點鐘早點煮飯,料有腐乳,白豆同公魚干.
 
7點27分開飯,兩個人食.

睡來唔錯,整朝上網,風後踩轉城河,樓下買餸,晚飯5人食.

昨日相當緊張,傳媒電視whatsapp消息滿天飛,講到個風幾咁犀利,言之鑿鑿,又話西邊來會點?連我都被佢嚇一驚?買餸時街市菜檔都掃清光.

昨晚飯後都不敢怠慢,嗱淋搞搞個曬晾間,上番些少板,希望擋得住吓,這晚早早10點零都瞓,一覺半夜4點多醒,四圍昅吓,又似乎唔覺好大風,望吓街除地下濕外,又唔覺有任何移動.

之後就瞓到7點多鐘,笠個耳筒聽住收音機,留意個風情況,老婆以瞓醒,又係昅住個風,波落就要返工?
賴床到9點鐘起來,昅下街外一地樹葉有樹折斷,小巴站牌一扑一碌,才知我們單位背住風,無耐老婆電話響,原來公司來電叫返工,老婆見有火車,風雨唔大,便沖杯咖啡食塊麵包便返工.
老婆返工我就搞早餐,餐後量血壓124/70-56,食過今早藥,寫陣blog辦大事,辦妥一切又10點25分,又開始我今日事上網.
看輪新聞上輪youtube,好想出外行吓,看吓風後城河如何?至電過華仔,佢又話正有此意,咁就約定稍後單車遊.

上輪網12點鐘,見華仔還未來電,心諗大概佢老婆唔放人卦?唉!不如自己踏番轉,落到單車場,突然來陣雨,被雨其間,又試吓打過華仔睇吓?原來條友瞓著覺,說叫老地方等喎.
拿了單車來到這裡,以經有樹倒下欄住,還好可以捐得過.

喱度又一棵,連根抜.

滿地樹葉.

來到老地方,等兩等又落雨,又要被被,還好落幾粒又無,少有打風咁少雨,

1點多啲鐘華仔到,便開始我們風後城河邊吹水之旅.

行不到一陣又有倒樹.

以往一樣,踩到馬會孖橋坐陣,便回程.

踩到差不多公園門口,突然嚇一跳,地下有條巨蜥蝪,又會咁大條.

我拍輪照啲人才發覺,才走來湊熱鬧,

怕得要C的拍.

有人用棍挑吓佢,

睇完條巨蜥蝪,同華仔各自返歸,返回必經處3點05分,工作人員才來鋸樹,

返回自己街市,老婆聯不上,為有自己買點菜,買韮菜2蚊,白豆5蚊,節瓜兩條5蚊返歸.

回家個女在,我就話之你,淥個麵煎隻蛋食.

4點多5點鐘老婆返,C九一樣要攤響梳化瞓著,我就寫今日blog.
夜成8點鐘煮飯,料有雞汁,尖青椒,鹹蛋,豆腐,節瓜,蝦米,蝦干同韮菜. 


 
 蝦干豆腐煮韮菜,
 
煎尖青椒,
 
鹹蛋蝦米滾節瓜,


 
8點44分開飯,4個人食.
 
開飯無耐,個仔返,唔食又食,有餸無飯淥麵食.

睡來尚可,老婆放假,二嫂到,中午大乜樂,名城睇BB,大圍買餐餸,晚飯6人食.

昨晚12點前都瞓,湯水多夜所頻頻天光7點多,老婆放假以醒,手機在賴床,我亦手機賴至8點多起來,洗面搞早餐,煮下鮮奶麥皮,才覺剩餘兩片麵包以發霉,還好雪柜還有,搞掂吃過早餐老婆才起來,餐後量血壓138/78-53,食過今早藥,又同老婆各自上網,寫下今早事辦大事,刮埋個鬍子10點鐘.
兩公婆上輪網,諗住出街,無奈電話響,咁就大鑊鳥,最多說話的二嫂來電,正在落馬州前來,原來佢同老婆約定,若果今早回港,便一同去探老婆堂兄個滿月孫女喎?咁就行不得,在家等候二嫂到,今次學會有你講,我唔講,免得我嘥氣?
1點多鐘二嫂到,聯絡好老婆堂兄,便齊齊樓下食點嘢,什少咁早的中午,同老婆兩人食個焗意粉算三位盛惠74蚊.

餐後搭程小巴來這裡,田心村下車,名城屋苑在望,由於要過對馬路對,要行進這公園,公園滿佈茘枝樹,但奇怪又唔見有茘枝?
 
 兜個圈過到來,
 
 門口大堂又要問,又要至電問屋主,証實無誤才寫張紙,
 
拿著字條入聶上來平台,
 
再交過所住座號,核對清楚才入聶上住所.

名城樓高58層,老婆堂侄住到57樓,開門小狗擺晒尾歡迎,左撲右撲興奮到極.
保安咁嚴謹,當然要參觀一吓,4房一廳相當大,裝修極為新淨,原來以經入住4年喎?問他買入何價,900萬喎,雜費要2500元喎.
 

 
 老婆堂侄單位坐向獅子山,
 
山下便是世界花園,1977年興建,當年小弟有份參與建造,
 
今日來的目的,當然係薑醋,
 
 吃過薑醋當然睇BB啦,放下利是恭喜一番,係時候要走.



離開名城,二嫂極為客氣,問聲今晚留下吃飯嗎?好爽的說好.
咁就三人大圍買餸,途中大圍站天橋,印印虔誠party拜.

大熱天時買輪餸,又在這裡食杯雪糕歇歇腳.
 
搭程車返歸以經5點半鐘,買來有豆漿兩盒14.9蚊,蕃茄5蚊,尖椒5蚊,蕃薯葉6蚊,魚胶15蚊,芝士兩盒18.9蚊,合共64.8元
 
 回來老婆處理菜料,夜至8點鐘我才來煮飯,料有尖青椒,蕃薯葉,蕃茄,雞蛋,鹹蛋同魚胶.

剛好1小時搞掂.
煎釀尖青椒,

芝士蕃茄

鹹蛋蒸水蛋,

腐乳煮蕃薯葉

連隔夜瓜粒湯,6個人食1夜返留飯餸.

飯後果紅火龍果啤梨.