睡來唔錯,鼻水噴嚏到,眼睏到C,游水600m,樓下大家樂,木耳漿,晚飯4人食.

昨夜馬投注10蚊,緊張咗一陣輸埋,12點前都瞓,須然不是一覺天光,但總算瞓到今早7點鐘醒,鼻子又發作,鼻水噴嚏頻頻打,手機賴8點鐘起來,老婆又留下字條叫晾衫,晾下一大箕衫搞早餐,食住上輪網,餐後0939量血壓122/70-55.
辦妥一切事務1005續上網,誰知眼睏到不堪?頂不住關機要上床瞓.一瞓12點鐘醒,看陣電視都諗住去游水,誰知落起雨來?看來今日都不用去.
到1點鐘過後,哈?又無雨喎?唉!明天洗池無得游,都係去游埋今日.過到泳池1328,望吓門口個牌,雷暴警告,咁即係游不游得?食蕉呀頭話雷暴到1點半鐘喎,哈!咁即係剛啱游得啦,真好彩.
更衣室搞掂一切上池熱身,1342下水,慢游佢600m,非常好無乜人游,1414夠數起水走人.
更衣室搞掂一切,同呀王傾兩句,問佢昨日介紹佢套音樂大師課好不好睇,哈!佢竟然話揾唔返?唉!有無咁嘟呀?真係無得講?於是叫佢拿部手機來,又示範一次過部佢睇,點樣揾條片,教過後我都走LU.
單車回家樓下,至電個老婆下來食大家樂.大家樂等咗好一會,老婆才到,我就要蝦多士米粉餐29蚊,老婆就焗薯餐21蚊.


吃過坐夠老婆又話凍叫走,?途經街市途買兩串蒜頭7蚊返歸,
回家4點鐘,我來處理中午浸下的木耳,木耳切碎,幾片紅棗幾片薑,壓力煲開火煲,老婆就小睡,我就上網寫今日blog,
半小時後木耳搞掂,打漿入樽攤凍放雪柜慢慢食,

1910煮飯,雪柜料有旺菜,椰菜,蝦縠湯,肉碎蝦膠同雞蛋.

全蝦............宴.
蝦縠湯浸旺菜,肉碎蝦膠煎餅,蝦醬蝦縠湯煮椰菜,蝦縠湯蒸水蛋.

2100開飯,4個人食1夜返留飯餸.