慣性失眠,新抱放假,修廁板同扑扑,茶大家樂,整日在家,晚飯外賣大家樂4個人食,個B舉手.

昨晚出埋篇blog都10點鐘,賽馬煞科都跑剩兩場,稍為望吓?唉!唔識賭,都係上床聽埋尾兩場算,聽完又聽見個女同新抱傾偈,講打工遣散費問題,本來三不的我,唉!又忍不住插兩句咀,講完兩句?唉!插乜咀呢?

一覺0458醒,去個所又瞓不返,閉著沉著,矇矓到0600,收音機賴床,新聞下一直賴到0819,望吓窗陽光曬到,我三張梳化墊褥等緊,曬埋今朝應該差不多.

起來老婆還在賴床,都知乜事,新抱放假?梳洗灌下大杯水,老婆蒲頭,我話收音機今早講,肥就雪糕最致命呀,唔好食麵喇,食蕃薯喇?話厭喎?今早等我來發版啦,我煮過你食.

咁就動手烚蕃薯,烚蕃薯連煲水一齊來,

可惜幾粒蒜失敗焦了,烚妥蕃薯搞早餐,料有豆奶,麥皮,蕃薯,鹹餐肉,雞蛋同麵包

0945開餐同老婆兩份食,蕃薯.鹹餐肉蛋冶,老婆咖啡,我豆奶蕃薯麥皮,

1023新抱同B蒲頭,辦過事務,本想修番好個廁板,但新抱放假,都係無得搞住?都係縮入房半張床手機兼瞌眼睏,諗住量血壓個B又唔放過我,嫲嫲拉走才量得血壓132/73-52.

賴輪床又1330,無所事事,都係搞嘢?修番好個廁板,在狹窄環境下摷把鑽,摷個釘斗出來,諗來諗去,條膠閂鑽個0隆,揾口羅絲穿過去,加隻介子卡住,窗台做工作枱,終於搞掂,靚正.

搞掂諗起個扑扑,順手搞埋佢,斷咗一邊等斷晒,拗斷埋另邊,電鑽偷番個0隆,白膠漿插回搞掂.

搞掂成3點鐘.老婆話買茶問食乜?唉!是但啦,又話要用支付寶付費?話掃一掃有三蚊喎?哈?又睇吓點?兩毫子都似?

新抱餵完B飯,氹咗個B瞓,就整蛋糕?好彩我做的搞掂晒,1530老婆返,買有燒鴨餐30蚊老婆的,我就全份公司冶餐34蚊,哈!支付寶得個吉?連兩毫子都無?

餸料有豆腐6.5蚊,白醋一支9.5蚊,南瓜一嚿6蚊,免冶豬肉14蚊,牛腩78蚊.

1640個B瞓醒,新抱個電飯煲蛋糕亦搞掂,不過太甜,

1708老豆返,上網whatsapp見黑咪介紹晚市大家樂?100蚊三個餸,唔洗煮似乎幾好?相量下不如今晚試吓,而剛好新抱有約出街,不如回來順路買餐.

1920新抱訊息到叫揀餸?揀好後.1955新抱返,大家餐到100蚊三個餸同15蚊加料,4個人食.

飯後個B同佢娘玩,佢娘玩具槍一指,叫舉手,嗰然應聲舉到直一直,哈!又唔知幾時學?