慣性失眠,洗梳化墊褥,踩轉馬長廊,乙明買餸,午食麵包,個女上來,晚飯6人食.

昨晚出埋篇blog,2145都上床瞓,一覺0130聲浪嘈醒,人聲,遊戲機聲,電視機聲,就瞓不返,歌仔塞耳,一輪又輪,沉著默著耐性著,半矇龍下捱至0630,收音機賴床,0800老婆起床我起床.

老婆搞掂一切早餐,0850我才早餐,

0918個B蒲頭,我都辦事務,事務期間又整吓餅,

1010佢娘返工,老婆電腦,我湊B,個B極度黐身想話睇吓手機都唔得?唉!無符?

纒身到1150,老婆要搞個B餐飯?我就來上上網?誰知個B纒身,都係唔得,諗起套梳化墊褥,N年都無洗過?不如試洗吓,老婆就極度反對,難乾喎,唉!難乾嘛曬多幾日囉?掉!今鋪幾大都試吓,正當諗住人手洗,又試吓放洗衣機,咦?又塞得落喎?再睇又運作得幾好.

1250搞掂,洗出來效果掂呀?咁就接續洗第二件.1點多個B食飯,我亦係時候要郁吓,游水高危,都係踩單車.

裝備好1325出門,1332出發,目的地馬鞍山海濱長廊,太陽超勁,

踩咗2/3路程,諗吓自己個底,心臟病,都係咪攪,就樹蔭下坑渠躉休息,休息夠就踩埋嗰1/3路程,1405才到長廊頭段,找個吉亭坐,好好風,坐不到一陣,以經有條老人家來坐,

風涼水冷坐到1435才回程.沿途踩得好辛苦,一來單車老爺,二來逆風,踩到我儍,

無休息過,一條氣踩到乙明街市1506,來到佳寶雞蛋大把得你買,又話搶乜搶勿?

街市行轉,買有豆奶6.5蚊,芬蘭午餐肉兩罐20蚊,蕃薯一份8蚊,橙7個20蚊,麵包6個12蚊,豆腐4蚊走人,返回自己街市買兩條涼瓜7.4蚊返歸.

回家1600,放下買來嘢,見10蚊罐午餐肉,於是開罐來睇吓,有水浸住好鹹?鹹過鹹牛肉,煮餸還可以,再睇吓標籤,原來鹽水浸?芬蘭罐頭.10蚊罐又抵既.

老婆話洗兩個椅墊,不如洗埋最後個,好又塞埋落洗衣機,攪到夠.,跟住老婆又比條膠羅絲過我?廁所地下執喎?唉!唔洗問呀貴,塔蓋板較位羅絲斷咗啦,唉!又要諗諗計?

沖個涼,由頭洗落腳,沖杯豆奶開餐,同老婆食麵包.包後上網寫我長長的blog.

1730個仔返,買有麥記餐食,雪糕就同老母每人一杯,1800輪到個女到.

1930老婆餵B食飯,熱廚房又我來?料有豆腐,涼瓜,雞蛋,剛買鹹午餐肉同豬扒.

2020開飯,有鹹午餐肉蒸水蛋,煎豆腐同涼瓜炒肉絲,4個人食兩留飯餸.

飯後果橙,2144新抱返.