11月16日(四)睡好,頭昏好轉,醫療車睇醫,午扭紋粉,整日在家,晚飯4人食.

2023/11/16   星期四   晴   25C

昨晚12點鐘瞓,夜所一劑,就今晨0621醒,收音機下半賴瞓,0750手機賴,0815起床.

好瞓咗頭亦無咁昏,新抱B在忙返學,0845出門後我烚水搞早餐,0920早餐,老婆蒲頭,0940就出門幫我醫療車攞籌.

餐後0958老婆攞籌返,嘩!輪到1230籌,老婆返我辦埋件事睇電視,睇完集倚天又1130.

等多陣1150就同老婆齊出門,佢去湊B放學,我就醫療車等睇醫生.

去到醫療車1255,已經有好幾個在等睇醫生,𥄫吓各人啲籌,最後係我,等到1216嫲嫲湊B到,冇耐就輪到,唉!同醫師都係嗰幾句舊對白,之後把過兩手脈,望過條脷,話同你落重啲藥喎?我話比7日藥好喇,咁就盛惠醫療劵245元.

離開1227,同個B遊樂場玩陣1246都返歸.

回家1250,嫲嫲處理佢午餐,同煮我倆扭紋粉,1337老婆開餐,我同個B食扭紋粉.

吃後嫲嫲篤B做功課,我就入房平板睇youtube.

衰豬又幾乖啵?好快做妥功課,重主動比我睇,寫得又幾靚,功課做完又掛住劃畫,大杏仁食晒,我就打大杏仁,打妥1545.

打妥累累哋我就走去床瞌陣,1640嫲嫲話去買餸,跟住個B老豆返,1705嫲嫲新抱齊返,嫲嫲買有魚70蚊,雞扒68蚊,牛扒88蚊.

人齊返我都早點沖涼,涼後入房攤床睇電視,1922老婆開餐.

2056輪到新抱開飯,4個人食.

飯後凍凍哋,嗱淋準備睡前一切,10點鐘未夠以經上床備瞓.