11月5日(日)大粒星,睡可,細華,個B上合唱團,草餅喘藥華仔,細華禾輋會堂唱,茶龍悅,晚飯4人食,

2023/11/05   星期日   晴   28C

昨日馬山公園野餐,踩轉累得我C,回來散晒,攤到開飯前,衰豬入來,指住窗外個天嗌Star呀?於是探頭一望,嘩!從未留意過,有點懷疑,心諗乜嚟架?

昨晚11點鐘瞓,一覺0520醒所,回來又瞓不著,捱到6點鐘瞌咗陣,7點鐘醒手機賴床,7點半鐘電話響?有無搞錯咁早?原來細華,唉!禾輋會堂唱歌喎?叫捧場喎?話再通知大華叫棒場喎?收線後繼續手機賴,差不9點鐘,老婆趕叫才起床.

起來新抱B已蒲頭,我就慢慢來搞早餐,新抱B在準備個B上合唱團堂,1006我才早餐.

餐後辦埋件事,1108老婆又話過大圍買魚,稍後1126輪到母女出門上合唱團堂,新抱出門後至電過華仔,問吓佢禾輋會堂出得門未?又話未得要劏魚喎?咁就你搞掂才call我啦,見未行得?不如攞部單車上來修修佢.

拿部單車回來,噴過晒WD40,華仔就來電叫行得,於是帶埋盒哮喘噴劑同盒草餅送過比華仔.

過到老地方1211,華仔已經到咗,比過兩盒嘢過佢,才齊齊踩去禾輋商場.

過到去問問人,1234才找到會堂,細華已在門口等緊,入到會堂還未開始,驟眼望吓大約有4,50人,全部老人家,細華招乎坐下,就返回後台.

冇耐就開始,唱到第8個才到細華出場,照睇細華都幾多Fans,都好多人比利是,

唱咗一首就第二位唱,唉!須然唔啱聽,無理由咗一首就走?為有繼續聽,又鬼咁多歌手,唱咗廿多首都成兩點鐘,

細華還未出場再唱?冷氣又凍,華仔叫著要走,我話要走都要同人講聲?但又唔見佢?電話又唔聽?華仔叫watsapp過佢算數喎?我一望個堂對面,貼有張表,於是走過去望吓,原來係張歌手出場表,一望好囉,下位便輪到,重連續唱三首.

於是埋位繼續等,終於出場,係同個女人合唱,唱完一首又唱一首,都ok啦,到第三首個人獨唱國語歌,唔夠氣兼國語唔掂,足知捱埋第三首,見佢蒲出來,嗱淋走去同佢講聲要走,三人合張照就離開.

離開落回商場揾食,去咗龍悅飲下午茶,入到去一望,嘩!咁冷清?大佬星期日喎?同華仔點了兩個孖寶,有鳳爪排骨飯,山竹牛肉,鴨腳扎同牛肉腸,坐吓聊吓,伸吓吐吓苦水,就我來找數116元,

1556離開禾輋商場,就齊齊單車各自返歸.

返回樓下遇個仔返工,回家1630嗱淋早點沖涼,涼後馬跑到尾三場,踱吓都係唔識賭,1705新抱B返,我都入房寫寫blog.

2046新抱開飯,有嫲嫲煲的蕃茄薯仔湯4個人食.