昨晚12點鐘瞓,夜瞓難眠,0310醒所,0515醒,所後又瞓不返?收音機賴床,8點半鐘起床.
起來如常烚水搞早餐,0938早餐,0950新抱返工,老婆蒲頭洗晾.
餐後電腦寫昨日blog,電視睇全運,1145關機攤床yt瞌吓.
1343老婆開餐,又來叫食啲,吃後繼續攤床yt.
瞌輪1402華仔來電,話過來吹水,又話要支松節水喎?
1530華仔到樓下,我才拿埋支松節水下去會佢,落到去送支松節水過佢,便帶他到單車場鎖單車,跟住同佢食大家樂,兩個餐合共68蚊.
話喱輪好忙喎,頻頻要北上,要陪佢個加國大佬,北上中山睇樓喎,話個大佬回流中山退休喎?又話個老母90幾歲,都開始老人癡呆喎,又要多啲陪佢喎?吃過聊過送佢攞埋單車,1645邨口拜拜.
回家早早沖涼睇電視,個仔返,食完個麥記外賣又砌佢至愛模型.
1845個B補習返,我就儍吓儍吓走入廚房,見老婆煎雞翼,結果我來煎,還煎埋豆腐,豆腐煎衰咗?部份燶咗?
2046開飯,有嫲嫲個老火湯,嫲B我三人食,個仔倆留湯飯餸.
沒有留言:
張貼留言