2026/02/07(六)睡好/有夢,新抱返工,嫲B麥記早餐,嚇QC,個女到茶紅屋,行轉大圍道,買大杏仁,晚飯個女煮5人食,換電腦.

昨晚趕埋篇blog成11點幾鐘瞓, 0414醒醒,再瞓0612夢醒,夢見有人來抄電錶,抄錶人有點面熟?咁就醒咗,之後就瞓不返?手機又無電,為有收音機賴住瞓,到6點多7點才瞓返,8點多鐘醒,賴床9點鐘起床.

起來新抱忙返工,我就如常搞早餐,0950新抱返工,衰豬在房內狂叫揾媽咪?大喊特喊,驚動賴床嫲嫲出來氹,原來撼襯個頭?

氹掂個衰豬洗咗面,嫲嫲又屁股痕,氹個衰豬落麥當勞食早餐,1025嫲B出門早餐.

餐後辦事非常差?事後我都攤床yt瞌吓.

1507個女到,帶來咗細電水煲同佢部電腦來,跟住齊齊過大圍下午茶.

落到街行到馬路燈位,啲人在等轉燈,有個女人突然行出馬路,嘩!部巴士就到,擦邊撞到佢打幾個白鴿轉,嘩!好險,當時一望盞燈還是紅公仔,個女人行多步,肯定撞到佢好幾米?還好巴士係轉彎,速度無咁快,我哋話Q佢重死口話轉咗燈?香港人真係唔話得?佢衰到跟住衝埋對面線紅燈,唉!趕住投胎咩?

過到大圍道1547,喱間Red house下午茶,叫咗三個茶餐,吃過坐夠1651個女找數.

離開就行街,沿著大圍道行上,行到執笠倉8.5蚊買支白膠漿,之後腳痛關係,佢有佢哋行?我行到頂1726後就回程返歸.

大圍道變化都好大?自從無煮飯無買餸我,都無來過好耐?以前同老婆買餸,行到來這裡啲石躉,一定坐陣偈偈腳,來到這裡我回程.

回程明星酒樓竟然都做埋兩餸飯?以前幫襯都係買燒味既多?再行嘩?連續幾間都買兩餸飯?旺啲嗰間餸款多到嚇C你?一路行都好多鋪都轉晒營,行回大圍站搭程車返歸.

回家1800,個仔已回來,又砌緊佢至愛模型,我都嗱淋沖涼,涼後睇陣新聞我電腦寫寫blog.

2000嫲嫲B個女返,買有360大杏仁130蚊,早幾日還賣145?有時買嘢真係要吼住 吼住?

個女回來就郁手煮嘢,連喱個豆釘都郁埋手切青瓜?

2125開飯,嫲B個我4人食,個仔倆留湯飯餸.

2200新抱返.個仔倆開飯,我部手提電腦實在太大,好唔方便?同個女換部細,個女幫手搞妥登入後,2300都返歸.