2026/06/25(四)睡可/神可,早餐大家樂,我就醫療車,老婆領健,茶百份百,晚飯我煮5人食,中藥第一劑.

昨晚11點鐘瞓,0342醒去所,捱陣再瞓0542醒,鼻水鼻塞稍斂,睡來算好,賴床8點多啲起床.

今日要睇醫療車,同老婆梳洗好,0940出門,去到醫療車已經到咗,條隊大約10零人.

等咗陣0955已經派到,10:55壽,派後就大家樂早餐,老婆32蚊針粉雙蛋餐,我就34蚊粥糉餐.

吃過坐夠,1030老婆去領健,看有否早點覆診,我就1040去醫療車等醫生.

過到去等咗陣已經輪到,上車後遞過身份証,好快便有得睇,醫師好熟絡,一見面就話好耐無見?

上次見佢已係2025年4月17日,傾陣近況,講過情況,睇過條俐把過脈,都係啲老人病,氣血不足喎?

跟住就落場大雨,車箱內等攞藥,七天藥266醫療券.攞藥後竟然停雨?於是乎走去會老婆.

過到去領健診所1107,老婆來電,話剛拔完罐喎?現在等針灸?咁就街市坐等.

等到1200老婆針灸完,同上次一樣,醫療券盛惠420元,之後同老婆街市坐陣,12點多返歸,回家1225坐陣瞌陣,電腦上網寫寫blog.

由於個B有節目不用湊B,3點多同老婆下午茶,老婆諗住食薩莉亞,誰知上到去茶餐又無pizza?於是轉場食百份百.

1557百份百,同老婆每人食39蚊世界波餐,吃過坐夠街市買菜,買咗35蚊菜料返歸.

回家1753,老婆話神經痛,不如我來煮喎?回來我就即時處理菜料,有魚頭同豆腐,豆腐切好醃好,魚頭同樣,先行煎妥豆腐,跟住爆料頭,然後煎魚頭,搞掂後魚頭上煲仔,豆腐蓋好.

8點多鐘開冷氣,就我來煮埋最後手尾,2053開飯,有金菇會豆腐,薑葱魚頭煲,同老婆兩人食,個仔倆留飯餸,飯後2143飲我第一劑中藥.

2257母女返,我都上床備瞓.