金寶湯6913

2016年3月4日星期五

連州三天,(1)千年瑤寨,萬山朝王.

2016年3月1日連州三天(1)千年瑤寨

旅行前夕,昨晚執齊行裝,搞到成1點鐘至瞓,好好彩無耐便瞓著,竟然可以一覺5點50分閙鐘響醒,旅行以來什少可以有覺好瞓,老婆亦瞓醒,嗱淋洗面搞早餐,老婆姿姿坐坐,原定6點半出門,結果搞到6點45才能出門.

過到大圍站轉車,上到月台走了班落馬州車,跟住下來兩班都係羅湖站,到第二班羅湖車到,大鑊車長發現有濃味,要call工程部來看,唉!又搞一兩分鐘,聽工作人員call機講,去沙田站再檢查過喎?咁都好啲,千奇咪停響度.

到落馬州車到,順利上車,去到沙田站,好多人上車,還議論紛紛,原來剛才部問題車啲客,到車行到中途,聽到講播,原來部車牌頭,改去羅湖站,唉!真大鑊,又要上水轉車,變相等了四班車才落馬州.

還好順利過兩關,8點正剛好趕到來報到.

報到後有部裝甲車駛來,看來香港啱用啲,頂得住磚頭卦?

8點17分人齊上車.

8點55分到深圳灣接人,人齊上車,整團44人,有14人同10人大party,其如兩個兩個,我兄弟夫婦亦上了車.
由於車50多坐位,有好幾個吉位,坐後排些團友,老早以一人獨享兩個位,而兄弟亦走到後排山頂位坐,我亦走上後排同兄弟傾偈.
美中不足,前便條老漢,極之識嘆,以經一人佔兩個位還不夠,還攤屍一樣,係兩張椅攤到直直,令我同兄弟坐得好唔舒服,好有壓迫感,我想出聲,但兄弟怕事叫算.
後來我終於出聲,我話你這張放物件張椅,可否調較高一些,佢才肯調高些,跟住又話高得滯,又較番低些,唉!原來方便佢一路攤屍,一路取食物,佢老婆見到,看眼神都覺有點過份.
唉!嘆都要嘆盡,望吓條攤屍地下,有對酒店一次性拖鞋,酒店還未入住,証明佢好有準備,後來服務站見佢未返到,靜雞雞張佢椅調較高點點,他不知不覺,我兄弟坐得較舒服點.
10點13分麻涌服務站

行車途中,導遊講今日行程,話清遠食中午飯,飯後直踩去千年瑤寨,行同單張上第二天對掉喎?
可惜來到廣州塞車.

搞到13點30分才來到這裡食中午.

菜就普通,勝在大碟,碟數多到數不清,餐後問句導遊,夠竟今餐多少個菜,佢話11個喎,我圍10個人,有一位食齍,另外有碟齍過佢,實得我們9人食11個菜.痴線?

16點10分來到陽山北服務區,團友鬆鬆.

繼續向千年瑤寨進發,沿途上山,好多梯田.

17點才來到千年瑤寨.

導遊買票,買咗好耐,見有散客遲來,都買了票離開,導遊似還在理論,售票員還著緊的通電話?

導遊終於上車,向前駛上停車場,話稍等會有個講解員來,帶我們上瑤寨喎?
我就在停車處周圍拍照,見不知是驢定馬仔孭磚上山.

17點07分,講解員出現,

就開始我們上瑤寨,途中講解員話,我們以經收了工返咗歸,歌舞表演都無喇,有團友話點得呀?我專登來睇歌舞架,導遊嗱淋補充句,有架?
其實先前導遊在車都講過,話啲歌舞唔好睇,不睇也罷,這個團友以經好大反應,專登來睇架.

17點13分終於上到歌舞堂,

望吓個牌,唉!原來16點鐘以經係尾場,現在以經17點13分,要不是廣州塞車1個半小時,安排係好妥當的.
後來講解員又講,話匯景次次都係咁,人家收晒工返歸煮飯,佢才來,話無補水架?

民族歌舞我就無興趣,係咁易望拍個照就行人.

繼續拾級而上,

拿著拐杖一級級的上,對膝一日不如一日,今日特別痛,
來到這個觀景台,特別臭,下便都不知是什麼.

離開這個其臭觀景台,嗱淋繼續上.

擺賣

曬臘味

來到這裡,這位呀伯還未收工,打其鼓跳其舞,我們就醒少少拍個照.

看完這位老伯,突然上便有嘢蠢蠢而下,條路實在太窄,嗱淋找地方走被,連表演呀伯都閃開.

原來運磚的馬仔?

有人在修屋

石棺

繼續上

終於到頂,擺賣的都收晒檔.

最頂係間廟,都關了門,我們亦無上去.

開始下山,

腳跛跛的拾級而下.

來到做腐竹地方

做腐竹的都收了工,豆腐花就有得你食,聽講麻麻,有好心團友,見講解員無OT,話支持吓佢買點腐竹喎?.

黑豆腐竹40蚊斤,黑豆制腐竹,第一次見?這裡半斤20蚊人仔.

落到來差不多到腳,一度圓拱門.

拍輪照終於落到山腳,以經18點19分.

又繼續行程.

18點50分來到萬山朝王觀景台,真係好靚,日落西山,萬山重重,可惜時間唔等人,嗱淋落車,毫不猶豫,連拍三張,就係這三張,其他都黑嘛嘛LU.

只不過20分鐘,以經黑齊離開.

24分鐘車程來到我們入住酒店.

聽導遊講,這區是最靚一間酒店.

配了房間收了匙.

房間好新淨,尚算唔錯.

放下行裝,落酒店食晚飯.

餸菜還是普普通通.

酒店位於山區,無得好行,飯後回房間,whatsapp輪,便洗白白上床看電視,早點瞓.
相當攰,一瞓便撻著.
去到5點鐘醒咗,哈!又幾好,有嘢睇,英超諾域冶對車仔,睇輪又瞓過.

睡來還可,一鋪舒服晒,整朝寫Blog,行轉沙田市中心,剪個髮,晚飯兩人食.

昨晚12點前都瞓,一覺未及6點以經醒,去個所後瞓不返,為有笠耳筒聽歌仔瞓,到6點多轉收音機新聞,就矇矓到8點多鐘在醒,亞視終於宣佈玩完,老婆放假瞓亦瞓醒,齊齊起床.

起來洗面弄早餐,寫陣blog食早餐,餐後9點39量血壓135/78-60,食埋今早藥嗱淋辦大事,幾天來去啲剩啲,今劑舒服晒,開工寫我旅遊blog.
一寫又中午1點鐘,總算叫做完成,老婆晨早搞落煲佢湯,新抱放假才瞓醒煮麵食.
兩點鐘輪到個女返,我同老婆係時候都出街,順口問他們今晚食飯冇,全部都話唔食,而老婆煲下老火西洋菜,叫她們睇火,煲到4點鐘收火好飲.
離開屋企門口,又忘記帶銀行薄,又折返攞,過到沙田廣場,先行打薄,老婆話食麥記,就沙田中心食,同老婆一包一餐33蚊,吃後有點唔夠喉,每人整杯雪糕同一條香芋批共15蚊.
吃後行商場,759又7,8,9折,又入掃輪貨,買後見頭髮長,不如剪個髮,今日多咗個幫手,但都係咪攪,零願等都係揾番事頭婆來剪, 結果要等好幾才剪到.