睡來唔錯,胡思亂想,寫我回憶錄,老婆燉湯我打搞木耳漿,交居要費,食大家樂,晚二人煎餃食燉湯.飯後馬20元

昨晚早早上床,而係手機賴床,有幾聲咳,穩陣啲含片炙甘草,賴床至12點都瞓,夜所兩劑瞓到今晨6點鬆啲鐘醒,瞓不返歌仔塞耳,7點多轉手機收音機同胡思亂想咗好多嘢?朋友間,人既性格,好多好多?賴床到8點半鐘起來.

陽光入屋,梳洗搞早餐上住網食,餐後0905量血壓149/82-57高得離譜,辦妥一切事務0945再量次血壓138/77-57,今日看來都係高.
又開工,做乜好呢?搞相片?寫回憶錄心臟?還是想早點寫埋佢,就係咁一寫又12點多鐘,唉!懶得寫關機收工.
看電視到1點多鐘老婆返,買有豬展一個35蚊回來,話燉湯喎,摷舊N年屋邨一天遊,抽奬中藥材包出來煲喎?

唉!你有你搞,我就搞我的木耳漿.半粒鐘時間搞掂,打成木耳漿入樽.

成3點鐘,才醒起居要費到期要交,嗱淋上網交費.
搞掂落大家樂下午茶,老婆雞翼炒麵餐26蚊,我就芝士豬扒包餐27蚊.

吃過坐夠手機夠走人,行惠康買麵包,星期三長者日有折,一掃有麥方包9.9蚊,片糖15.9蚊,粟粉6.8蚊,自發粉8.3蚊,合共37.8蚊,返回地下大堂,發覺百達通乾塘,見七仔排長龍,就大家樂增值,然後街市買18蚊買盒餃子返歸.

回家1724,燉湯以經搞掂,留待夜點才食,我就上網寫今日blog,
寫陣blog刨馬仔,投下10蚊注輸埋,1924煮食,煎餃子.
2000開餐有老婆燉湯,我煎的餃子,兩個人食.

燉湯餃子後,韓國柿子,極度寒涼下,老婆獨享

睡來唔錯,無乜點咳,鼻水收多,腳痛消炎藥,寫回憶錄,下午茶大家樂,晚飯兩人食.

幾日來霎時間就咳,一咳就不停?連鄰居X太經過都講句,咳得咁犀利,睇醫生啦?唉!幾日前11號食過個仔比錢的大大杯華田雪糕後,便開始咳,直至現在.唉!好清楚自己,咳得嚴重會影響氣管,跟住收窄,咁就大劑,要睇急診留醫都似?

昨晚巧驚驚下11點零都瞓,食粥關係夜所三劑,無驚無險瞓到7點,手機收音機賴床,新抱fb傳來日本相片.

矇矓到8點半鐘起來,鼻水些少,間中幾聲咳,都好心滿以足,梳洗搞早餐上住網食.餐後0937量血壓145/77-58,辦大事,昨晚蕃薯效應,非常輰順,辦妥一切事務,1010再量次血壓135/75-59,腳痛未痊,無奈下又食粒消炎藥,買少見少還剩下8粒.
搞掂一切下來做乜好呢?搞舊照?寫回憶錄心臟?足知揀咗回憶錄,不用摷相薄,一寫又12點半鐘,關機唞唞.
1點多鐘老婆返,老婆回來例行上輪網,跟住恰番陣,成3點鐘就齊齊落商場,還是大家樂食個下午茶餐,老婆豬扒包餐27蚊,我肚餓食個迷你义飯餐28蚊,唉!义燒極迷你碗飯極大碗,同老婆講笑,同我拿去同經理講無义燒嘅?

吃過坐夠whatsapp夠走人,街市都唔知買乜好?谷鬼氣乜都無買,返歸有乜煮乜.
回家4點多我鐘,老婆續上網,我就看電視.
1936煮飯,料有夜香花,雞蛋一隻,鹹蛋一個,2007開飯同老婆兩個人食.

睡來還可,整朝處理我舊照,下午茶大家樂,晚煲粥捱蕃薯兩個人食.

昨晚老婆催速下早點食飯,結果早啲等人埋位食飯,飯前飯後個仔同新抱都忙執什行理,直至9點多鐘終於可出門,我都講咗兩句說話,執整嘢呀,小心啲呀.

可能日間無恰過眼瞓,個女上來好多嘢做,係執佢啲衫,我都好少嘢,10點鐘以經上床瞓,一覺半夜2點多鐘去個所,回來好衰唔衰望吓部手機,就係咁瞓不返LU.捱咗好耐,為有歌仔塞耳,set下一小時,還好夢然瞓返.

一覺7點鬆啲鐘醒,手機賴床whatsapp吓n年舊照,結果換來驚訝回應?

賴床不覺8點半鐘,為有起來,天陰無雨,有點涼快,梳洗弄早餐上住網食,餐後0929量血壓136/74-54.辦妥一切事務又10點鐘,都係唔好懶,繼續處理舊照,一搞又中午1點鐘,關機唞唞.
1點多鐘老婆返,老婆攤唞輪,2點多落大家樂下午茶,吃過坐夠行惠康,買有廁紙兩條返歸.

夜煲粥捱蕃薯,兩個人食,粥薯後蕉,牛奶蕉

八月十五

中秋節快樂

我的心臟病歷程(3)三 香港體檢 冠狀動脈造影及冠狀動脈鈣化

香港體檢    冠狀動脈造影及冠狀動脈鈣化

自從2010年11月30日急症室檢查一整天無結果,岑醫生推薦做個心臟CT.

21010年12月3日  提早心臟CT

幾天後個女來電說約好香港體檢,6號星期一做心臟CT掃描,後來又改咗明天4號,可以提早1330做喎?

2010年12月4日   香港體檢

約咗1330體檢心臟CT掃描,個女永遠都係趕頭趕命,成1250才出門,心急下所乘巴士又遇上塞車,出到油麻地香港體檢,剛好門口有站1335.
盛惠2880

落二層地庫便到,拿過飛仔稍等,便登記處填份表,個女代填我薟個名搞掂,個女薟咭盛惠2880元.之後就隔鄰廳坐等叫名.

地庫全層相當大,裝修新好靚,卦墻兩部大電視,裝修跟工聯會差得遠?客唔多,相信預約關係卦?

好快便叫名,護士帶著經過小小走廊,有好幾個房間,來到一個細小廳仔,大約有4至5個護士,坐下就量血壓151/101,又會咁高?之後比個籃我,叫去換衫.
房間特別細
跟住叫去另房間,間房真係好細好細,兩個護士加埋我都轉身不到?我坐響張高櫈上,另個護士要企門口,拿張紙仔係咁問?有無藥物敏感?有過乜病?哮喘呀之類,問完一輪薟個字搞掂.
新手種豆豆
而另護士開始同我種豆豆,唉!撞鬼,唔知新手吖?定難種?拮咗我好耐?拮得我好深好痛,大大話話住院咁耐未遇過咁情況,針得真係好痛?種上豆豆後,另護士講解過拮針護士知?邊度係入口?邊度係出口?唉!怪不得拮得我咁痛?

防敏感針
之後個說教人護士在我豆豆上打上一支防敏感針,原來係我個女指定要打?個女問過廣華醫院一些有關人仕喎?跟住又打支好大支,不知什麼藥水既針?個女見到話?咁大支咁牙煙?比著我唔照就罷喎?唉!又要比錢又要痛?
反胃嚇一跳
之後返回個廳仔坐,突然間反起胃來?但又嘔唔出?胃抽根一樣?個女嗱淋叫護士斟杯水過來,護士叫飲少少濕吓好啦?還好過後無事.
坐咗陣就叫入掃描房,就正正對面間,亦剛剛有個女仕從房出來,嘩!真係一個接一個,時間無嘥?
心臟CT

入到房除鞋上床,腳上一個大圓拱型環,護士叫雙手放在頭後便,然後替我身上貼滿有電線貼子.貼好check好,醫生就來同我講解,說會有乜反應?同時要配合佢點做喎?又要我嚐試閉氣過佢睇?要廿秒以上喎,又放隻手在我肚皮上,測試我能否做到咁長時間?佢話吸氣同呼要平均,到時可能要閉氣更長時間喎?
CT練習
之後就來一次練習,叫隻手放在頭後,跟住聽醫生指示呼氣吸氣,又話要閉氣好耐,又放隻在我肚上,測吓我能否閉咁長氣,測試咗好耐,對放頭後放到手都梗,才叫我雙手放回個肚皮上,嘩!幾難頂,喱輪咳開,好彩又無咳到.
CT全身滾晒
雙手放回肚皮上,等咗好耐,醫生同護士車車咁轉,搞咗好耐,護士才來我豆豆處注入咗支針,應概係螢光劑針卦?嘩!痛得我?剛才醫生講過會成身熱晒,果然慢慢蔓延,漸漸全身滾晒,舌頭腳子手指尖都熱埋.
聽指示閉氣呼氣

跟住聽住個咪,醫生叫吸氣呼氣忍住,循環做咗兩次,終於順利完成,才鬆一口氣,過後醫生問我搭橋手術做咗幾多條?唉!邊記得吖?好似三條卦?後來比咗我預備出院紀錄過佢看,佢係咁易番兩番?話幾詳盡,心諗幾拾年來紀錄,睇得到才怪?
完成解除一切
之後護士替我拆除晒所有身上貼子同豆豆,紗布換上膠布,說三兩天會有電話通知,來取報告喎,咁就走得.

2010年12月6日  圖文並茂
CT掃描第二日以經有報告,報告圖文並茂,還有隻CD,彩色好靚,好大本,2880元確係唔貴.

2010年12月7日   拿報告見岑醫生
翌日急不及待拿報告去威院急症室見岑醫生,岑醫生略睇過,說搭橋兩條無塞到,通波仔加支架嗰條就塞咗喎?我話無錯當時手術後,好清楚問過醫生,都係話支架條塞咗,岑醫生還指住圖片話我知那條塞,那條塞幾多?唉!我又邊識睇吖?說大至上不太嚴重喎.
我又帶埋所食的藥同血壓紀錄過佢睇,她略睇過後說血壓都幾靚,之後問我幾時覆診?其實我由心臟科以經轉咗落眾合科好耐,佢話咁吖?不如轉回心臟診科覆診啦,咁會好啲喎,寫封信過你,你過李家誠診所一樓內科預約啦.
轉回心臟科覆診
感謝句便嗱淋過李家誠預約,一約極度失望?竟然排到2012年2月23日(星期四)到時帶埋小便喎.唉!足足等一年有多?

2010年12月8日  覆診改前一年
電話響,私人來電,都諗住廣告多,一聽原來係醫院打來,佢話醫生睇過我封信,覆診期改早一年喎,我話唔係我有乜唔妥嘛?我又問你係咪醫生呀?佢話唔係,我係姑娘喎.話遲吓會有預約紙寄過比你喎?

2010年12月22日   覆診紙到
排期紙終於收到,本應2012年2月23日,改為2011年2月24日應診,足足改前一年.