睡來尚可,腳痛21日好轉,整日在家,食大家樂,輸馬20,晚餐3人食雲吞.

昨晚11點鐘都瞓,夜所兩次就瞓到今早0705醒,手機沖電,賴床0745都起來,睡來尚可,腳痛21日.梳洗好上網,上陣網搞早餐,鮮奶麥皮,兩隻蛋做三件蛋冶,一件留老婆,老婆起床沖杯㗎啡便埋電腦食蛋冶.

餐後老婆電腦,我就辦我私人事務,驚人發現?從未用過咁柔軟有印花嘅厠紙?
出來後上網 search吓,怪不得?原來消委會點讚,下次一定繼續.
搞掂一切1000量血壓,他媽的?同一隻手量兩次, 距離懸殊,嘥氣.食過今早藥, 手機+電視到11點鐘.電視楊千華套電影,五個小孩的校長,出現個好耐無見好熟演員,問聲老婆他是誰,老婆好快便答吳楚帆,我話痴線?吳楚帆黃曼梨張活游嗰批,佢另我想起難為正邪定分界,於是上網一搜,嘩!原來以經40年前的馮淬帆.
1120老婆上夠網.又來輪到我.上輪網又1248量血壓128/74-46,一點多鐘馬開跑,踱馬仔,諗極都唔識賭?兩點多鐘,個女上來,個仔同新抱街街,3點鐘老婆同個女叫下午茶.
篤篤篤的下去,唉!對腳終於行得無咁痛?落到大家樂,假期人多,還好客坐唔耐稍等有枱,老婆31豬扒餐,我就30蚊試吓個豬大腸餐,唉!不知所謂,無離味道,個女就雞翼三文冶凍飲餐,多少銀就唔知LU?

吃過坐夠,兩母女行惠康,我就留守大家樂等.
倆個返來齊齊經街市,老婆買瘦肉,韮菜同雲吞皮合共43蚊返歸.
回家1640,我就斷續睇跑馬,全日未出手,到最後孖寶投下20元.頭關大熱門中咗,

尾關緊張咗一陣就玩完LU,又輸我20元.
1840老婆開工包雲吞喎?個女就先來半隻糖心蛋我食,2023雲吞搞掂開餐三個人食.