5月1日(一)睡好無所,個仔放假,搣走血漬焦,茶大家樂,街市,晚餐兩人食.

2023/05/01   星期一   晴   25C   

五一勞動節

昨晚沖完涼,傷口有血水,都幾驚發炎,為有盡量索乾,如常早瞓,一覺就今早6點鐘醒,才去首個所,非常好,而傷口似乎幾乾爽,回來瞓不返平板上網,一上9點鐘起床.

起來梳洗,才發覺傷口都係滲出血水,看來發炎在即?為有早餐完再來處理,0952早餐.

餐後夾硬揻甩塊漬血焦紗布,驚心動魄下終於搣甩塊焦,再用清潔熟水輕輕祙洗,再印乾水份.

個仔放假三口子蒲頭,我都縮入房攤床手機.

去到成3點鐘三口子才出街,出街後又輪到我倆老落街行吓,去到商場都係食大家樂,越食越無嘢食?就27蚊食個芝士火腿西多餐算,老婆就積分熱檸水.

坐兩坐聽見講播,燒味暫停?望吓燒味檔,燒味樣樣有?跟住個常客呀伯話佢等喎?收銀經理就話燒味佬去咗食飯呀,猛叫呀伯食第二樣,呀伯又唔制,係咁叫佢落單,經理係都唔落住?寧願叫佢買杯茶坐等?睇情形都唔知燒味佬幾時返?唉!大家樂你都係等摺?吃過坐過我都走,老婆街市買40蚊菜返歸.

回家1650嗱淋沖涼,處理好埋個傷口就上網寫寫blog .

1934開餐,有蒸黃花魚,炒椰菜花兩個人食.

2100三口子已經食咗返.