8月17日(四)睡可,餐後小睡,游水500,茶麥記,街市,老婆煲湯,晚飯4人食.

2023/08/17   星期四    晴    32C

昨日新抱B同學仔家庭樂,四家庭去咗三星灣游水,個B曬到紅卜卜返.

昨晚成12點鐘瞓,少有夜所一劑,3點半鐘關冷氣,再瞓就今晨0550醒,收音機半瞓賴,手機陣8點鐘起床.

如常烚水搞早餐,0915個B蒲頭叫早晨,又幾乖啵?問佢點解唔睇手機呀?衰豬話無電喎?哈!怪不得?衰豬冇電話就摷公仔玩?0925我都早餐,餐後量血壓123/77-55.

1040新抱B出街早餐,我就辦埋件事?無所事事,又挨梳化瞌陣飬神,一瞌又12點鐘,睇吓電視望吓街外,新聞猛話有雷雨?但個天就灰沉沉,想落又落唔出咁款?

1245都唔理咁多,一於去游水,游得幾多得幾多,1256拿了單車,1305到泳池,更衣室搞掂上池,講播話除時會有雷喎?我連熱身都無,1313就下水,泳鏡無搽梘液矇查查,100,100的游?湊夠500m,1352起水走人.

返回單車場1435,至電老婆下來,大家樂太熱,都係麥記食包好過,1500未夠老婆到,魚柳包餐要3點才特價?稍等1509老婆買餐到.

吃過坐夠嘆夠冷氣,就街市老婆買菜,老婆買我坐等,回來買有椰菜個6蚊,沙參玉竹46蚊,話黃金帶子喎50蚊返歸.

回家1603,新抱B在家,老婆就處理煲湯,我就沖半劑補藥,飲住上網寫寫blog.

1726個仔返買有麥餐食,新抱才落街買餸,我都早點沖涼,涼後入房拉床睇youtube,2100新抱開飯4個人食.