8月8日(二)睡好,交手機費,精神差要瞌,新抱石門,整日在家睇B,個B麥芽糖,茶大家樂,惠康,街市,晚飯4人食.

2023/08/08   星期二   晴   31C

昨晚睇埋新聞成12點鐘瞓,夜所四劑,三點鐘關冷氣,再瞓7點半鐘醒,手機賴床,0845起床.

起來如常烚水搞早餐,老婆新抱B陸續蒲頭,餐前0938量血壓128/73-52.

餐後辦事務順便交埋手機費,精神差瞓足都無用?要挨梳化瞌陣,一瞌12點鐘醒,新抱出咗門,個B就自己玩,見佢娘不在,於是又攞罌麥芽糖出來,問個B食唔食?個B扮晒鬼臉點頭,咁就了一嚿又一嚿過佢食,食到舐舐咀.

1312老婆開餐,嫲嫲又預個B隻烚蛋.

餐後兩點多鐘,諗住都要同B落街下午茶,衰豬洗完手好委屈個樣走入房,嫲嫲見佢咁委屈就問佢乜事?衰豬才說洗手時撞到個瓷盆,問佢撞到邊度?說撞到腰間盆骨,嫲嫲幫佢搓搓,咁啱佢娘剛好返到,衰見到媽咪就放聲大哭,佢娘幫佢搽油,衰豬怕痛怕驚到尖叫?真係好鬼無用,望吓都唔係咁緊要.

佢娘返話同佢出街食嘢,話到成3點鐘還未出得門?唉!你唔出我同老婆出,兩母女才出門.

出門冇耐我同老婆才出,成3點多啲鐘落到大家樂,見有靚啲枱坐得舒服,諗來諗去才食個燒髀西多餐,老婆依舊熱檸水,合共40蚊.

餐未食電話響?少有老馬來電?傾咗陣才入正題,原來何基取新抱,問請我好唔好,話係何基叫佢問喎?講起就無名火起三千丈,喱種人無朋友做,舊事重提,再講一遍過老馬知,數咗佢一輪才收線.

吃過坐夠上惠康,28級梯撐來可以,惠康至在行吓,就14蚊執pack牛油果走人,街市老婆買干葱一扎同京怱三棵26蚊,老婆睇咗幾日人字拖,唉!買就買唔買就走啦?無眼睇走先,老婆後來20蚊買咗返,回家1653,個跟住返到,買有麥餐食,我就沖我第四次中醫,第一劑藥.

藥後早點沖涼,涼後入房平板寫寫我今日blog,跟住母女返,下來佢三口子忙到夠,1919老婆開餐.

2031新抱開飯,4個人食.