瞓覺好,缷水兜,無賭馬,759,收番銀,個仔來,食呀大,收爆炸,晚飯4人食.

昨晚12點鐘瞓,一覺今早7點半鐘醒,賴至8點鐘起來,總算瞓覺好的,起來有噴嚏有些少鼻水,昨消炎藥湊效,腳已無痛,洗個面上陣網早餐.

餐後搞掂一切事務,都要揾啲嘢做吓,見兩日來廁所天花無再漏水,不如做番啲嘢,整番個托,有水漏就缷出街外好過,渠又圓地方又窄,就揾啲紙皮裁好,套上膠袋算數,搞掂又11點多鐘.

12點鐘城市論壇,跟住跑馬,唉!都係唔識賭,華仔來電,說入緊馬場喎,又話已經幫我攞咗爆炸羅司喎,等陣跑完馬才比我喎?

吹輪水又3點鐘,老婆放工,話個仔要4點鐘才到,我話不如我們先過瀝源,看759能否昨日計多樽黑胡椒回水.

過到瀝源759超多人,同昨日天淵之別,打晒蛇餅.

 

要潮水式入內,老婆以經才等,

 

其實嗰10元8塊,能否收番,都無所謂,結果係OK回水.

 搞掂正好離開,才發覺龍尾在這裡,哈!咁排法我就唔會買.

離開759同老婆沙田街市買餸,見魚檔同個客講,你買完又買,條魚未見過,賣的話海魚,魚咀還有魚釣,於是我又買條試吓,至於魚名,連賣都唔識.

不知名魚重組.

 

 買完條魚同老婆各自返歸,老婆搭車我單車.

回家個仔已經到咗,齊齊揾呀大開餐,每人食個下午茶餐.

餐後街市買餸,買有冬瓜兩斤8蚊,夜香花一包11蚊,不知名魚15蚊,赤小豆7蚊.

回家5點多鐘,馬繼續跑,依然唔識賭,無下注下,跑完第11場馬,華仔來電,說差不多到我樓下,於是落街等佢,來到比了一些爆炸羅司過我.

 

夜老婆煲落冬瓜湯,我來煮兩個餸,料有些少夜香花,魚食半條7.5蚊,雞蛋兩隻2蚊.

 香煎唔知乜魚,總之係海魚.

 夜香花煎蛋

 食幾日既鹹豬手.

 赤小豆薏米牛榜煲冬瓜.

 4個人食.

半夜噴嚏打不停,晨早吵鑊金,壓力煲,瀝源拮嘢,759買貴嘢,晚飯兩人食.

昨晚如常11點半鐘瞓,瞓至半夜4點鐘,鼻敏感發作,不停打噴嚏,無得瞓為有走出廳挨住梳化瞓,半趟挨住瞓又OK,坐得多屁股痛,之後趟下瞓近7點鐘.
洗個面上網,個女瞓醒去完廁所係咁嘈,叫我話吓個老母去完廁所,沖廁撳耐啲,廁所好大陣味喎?我立即火都離,有味你嘛撳多次囉,你都唔係第一次講啦,人家都知道啦,有乜唔妥自己做啦,我夠剛才去廁所,我就唔多覺,之後你一句我一句,互數起來,嬲爆爆番工.
唉!我都近百,你都幾拾,成日以自己為是,你做的是對,人家就不對,要數大把,好似無凍水,無你可以去侵囉,無滾水你嘛去煲,都得啦,嘈完一輪早餐都難梗.
餐後搞掂一切事務,繼續上網看新聞,自佔中以來都好少隻爛蘋果動聞,今早還是被開啲政冶嘢來看,一看又11點多鐘.
百無聊賴洗埋啲早餐用具,壓力煲湯入樽放雪柜,諗起隻壓力煲歷史?誰說大陸嘢無好,摷摷紀錄,隻煲2002年8月25日福田一間超市買,人仔169元,用到現在已經13年,重係咁好用.
雪凍的隔夜粟米蘋果紅蘿蔔湯,超好飲.

在家諗吓度吓磨吓又兩點幾鐘,今日759六折,約咗老婆放工瀝源,見有時間,於是踩過乙明對開公園坐,天氣好熱,樹蔭下都無風,坐到3點05分,老婆遲遲才來電,說瀝源食拮野喎.
老婆搭車我單車,過到瀝源經過759,超多人,吉野找個對號位坐,嘩!等咗好耐還未到,打電話又落留言,大佬唔好嚇我,實在太耐?望穿秋水,老婆終於到,手機無電喎?
每人食個飯餐,坐咗陣便759濕平,睇真啲?原來正價才六折,其他照舊,怪不得米無人問津,想話揾部車仔,原來無晒,無偈?攞住個籃,好不容易才行個圈,實在太多人,發覺比錢條龍好長,差不多場內一個圈,唔係喇?同老婆輪住排住隊,我排老婆揾嘢買,老婆排又我揾嘢買,一路排一路買,足知排咗半小時才到收銀處,找數盛惠324元,折後194.4元

 

買後單車滿載,同老婆沿城河邊返歸.
回家5點50分,對吓買來的東西,買有鮮奶三升24.9蚊,花生醬14.4蚊,蜜糖25.2蚊,烏龍麻油兩樽34.6蚊,喉糖兩罐24.2蚊,即磨雜錦胡椒8.7蚊,即磨黑胡椒,李麗微吖,收多我一樽錢,8.7蚊,法蘭克福香腸16.7蚊,紫菜28.3蚊,本來185.7元,現付了194.4元,吹漲.

夜煮飯菜料有幾片腸仔,南瓜大半個3蚊,雞蛋兩隻2蚊,子薑一條約1.5蚊.

南瓜蒸蛋.

腸仔炒子薑

兩個人食.

飯後果蕉

失眠,房署睇漏水,走得快好世界,吊柜加固,下午茶呀大,晚飯三人食.

 昨晚真大鑊,不知是否太累?竟然失眠,聽歌收音機,乜都做齊,一直捱到成4點鐘,才叫做瞓著,晨早6點半以經醒,賴到7點半鐘還是起來.

上陣網早餐攪掂一切又9點鐘,望吓個廁所天花乾過我荷包,唉!咁都好啲,希望繼續啦,9點半鐘神的晚餐,今日9點至10點鐘約咗房署上來睇漏水,咁就邊神的晚餐邊等.

10點05分房署師父上到來,了解過情況,我話兩大可能,一係大洗廁所,水喉亂射,水從套筒而下,二水箱壞過滿,不停流落套筒,師父話要上一層了解吓,想話比啲漏水相過佢看,佢都唔得閒睇.
 

神的晚餐後望吓個市,嘩!開市還微升,家吓跌成過百點,昨日晨早斬下兩隻股,嗰然續跌,真係走得快好世界.
百無聊賴又做啲嘢,早兩日抽氣扇位開始離罅,唉!都係唔好等,嗱淋動手加條拉,擒高擒低終於搞掂,咁就穩陣得多.

 搞掂剛好3點鐘,老婆放工,大圍食大乜樂喎.
大圍每人食個下午茶餐,坐咗好一陣便買餸,行轉街市買有藍威保22蚊,方包9蚊,特價蕉5.1蚊,乾葱兩包3蚊,子薑7蚊,紅蘿蔔4蚊.

今日好熱同老婆挨文化博物館邊返歸,途中樹蔭下石櫈坐咗好一會才返歸.
回家老婆搞落煲湯,我就累到不堪,攤響梳瞓著.
瞓醒以經近8點鐘,嗱淋煮飯,料有紅蘿蔔,蘋果一隻,粟米一條,前日煲過湯鹹豬手,司華力腸,子薑,開罐菠蘿.

 菠蘿腸仔炒子薑

 鹹豬手

 紅蘿蔔蘋果煲粟米

三個人食一夜返留飯餸.

飯後果蕉

Beautiful life - Cari Cole

家居改革,房署投訴,廁所天花漏水,下午茶食呀大,晚煲粥炆米三人食.

轉眼又半年過去,人又老半歲,過頭又邁進半步,政冶爭拗依然無休止,經過佔中一役,誓估唔到?千其百怪,無其不有,百花齊放,千變萬化?政冶原來係無分對錯?對可以不對?不對可以變成對?大大條道理?新聞所見大遊行少得人多,照我諗少的大多數中間派吧?

昨日依然龜縮,到中午有馬跑,依然龜縮睇跑馬,唔識賭下10蚊都無買,又到3點鐘老婆放工,諗住去個所,出大圍同老婆會合.誰知一望廁所窗台,發生什麼事?窗台一大撻水?追查下大大鑊,原來屎渠套通漏水,怎麼搞?希望樓上係一時大洗,還未滴完卦?

 

個藍滿載係水.

 

天花套通係咁滴滴吓.

  

晚大佬比的白豆角,終於食晒,白豆鹹雞甘菇三色米共冶爐,煎埋半盒三文腩,三個人食.

2015年7月2日

老婆放假,兩公婆瞓到8點多鐘,以往一樣早餐後各自上網,10點半鐘神的晚餐後,家居改革開工,家居材料所限,兩條各鋁,一條重要駁長,一條2分拉爆,另一條得分半分拉爆羅司,吊上天花,2點多鐘吊好,個女回來,叫做幫手喎?唉!嘥氣.

 

吊妥下兩母女搞清潔,搞掂好又3點鐘,老婆同個女三人樓下食呀大,出門前望吓個廁所天花,水依然慢滴,若果一次大洗,乜都乾透啦?無歇下?餐前為有入房署投訴,登記後三人呀大食個下午茶餐.

 茶後街市買點菜返歸,回家繼續開工,張爛舊嘢係咁塞上去,塞完我開始驚,中間條吊,無料關係,得嗰分半粗拉爆羅司,真係頂不住,除時倒塌到似?嗱嗱立即加條頂,咁都無咁驚?

 搞到6點幾鐘,人都散,今日到此為止.

今日買來的菜料有,個女的薯仔洋葱蕃茄10蚊,韮菜2蚊,生菜?同隻倉底鹹豬手19.9蚊,

 

夜老婆煲落鹹手粥,我來煮米粉.

 鹹豬手部份留下餐.

 

鹹豬手韮菜炆米粉.

 生菜包

 三個人食一夜返,留粥留米.

 粥米後生菜蘋果打蓉