些少失眠,鼻水點點,行餐C入馬場,無賭攞4帽,食吉野家,迎新無咗,試轉賬獲1印花,晚飯4人食,

昨晚凍凍哋老婆入好棉胎,早早都關電腦,裝備好一切都上床瞓,好衰唔衰湯水多,3點多鐘急醒,去完個所就瞓不返,歌仔塞耳成粒鐘,才叫做慢慢瞓返,到0714都醒,收音機倫敦bbc,矇矓到0814舊日足硛醒,聽陣賴陣都起來.

如常梳洗洗鼻,氣管睡來有點聲,都係吸口擴氣管噴劑,一口類固醇,鬍鬚長長都係刮刮佢好睇啲,辦妥一切上網.
0915老婆起床,老婆梳洗自搞早餐食,又來要電腦,我就搞我早餐,吃過辦過一切,1035量血壓137/79-63,食過今早藥就手機+電視.
12點多鐘國際賽馬日,有票就同老婆去行吓,搭程火車火炭站下車,步行前往,沿途有人賣免費票,3蚊有交易,唉!行得CC,唔行唔知痛?恨無帶拐杖,捱到去馬場閘口1256,真要命?
剛好跑完第二場,一共四張票,還有兩張,再行不行好呢?唉!就C都C埋佢.同老婆再次出閘,兜個大圈,終於完成一共四頂帽.

國際賽事真係唔識賭,唞順條氣就老婆行吓,上頂樓行吓坐吓,再落回二樓,睇吓個領獎部,成層都係,種種形式獎品就在此領.
見第5場還有段時間,都係唔等,1425同老婆都走,就原路返回火炭站,唉!真係好辛苦,趌跛跛的捱去火炭站,沙田站下車,一直捱去瀝源商場食吉野家.
來到吉野家1515,算過踱過,各自用支付寶買,每人慳番5蚊,另外每人進賬一個印花.

吃過就諗吓,老婆個迎新獎賞15選1,選乜好呢?唉!大鑊無咗?明明寫住到12月尾?無咗無辦法,打上支付寶台問吓,又只得錄音?無偈.
同老婆歇咗好耐才走,一路順住買嘢返,市廣場搭程車返歸.
回家1714買來有蛋一排27蚊,洗衣液45蚊,759朱古力同食物袋19蚊,瘦肉20蚊同甜豆5蚊.

  回家又試吓支付寶轉賬?真係好方便,試咗1蚊雞過老婆,老婆又轉返過來,結果我就有1個印花,老婆就乜都無,至於點解?唉!都費事傷腦根.
2039老婆飯妥開飯,有蒸水蛋,木耳臘腸炒甜豆,炸菜蒸肉絲,人齊4個人食.

睡來還可,鼻水可以,博愛見中醫,支付寶奴隸,食大家樂,氣喘真相大白,晚飯一煲兩人食.

前晚失眠未瞓過,昨晚早早都瞓,夜所一劑便今晨5點多醒,鼻水少許壓迫,盡量輕擤,無鼻塞,但瞓不返,歌仔塞耳,矇矓到7點鐘,收音機賴床,擤兩擤鼻水開始到,捱至0810起床.

以往一樣洗面洗鼻上網,鼻水依然,但係少咗,(綜合經驗瞓覺鼻水積儲,瞓醒才流出來,)上網到9點鐘老婆起床,梳洗自搞早餐食
老婆餐後用電腦,我就搞我早餐食,

餐後辦妥一切事務,1017量血壓130/77-66,食過今早藥,手機+電視到11點鐘,係時候過博愛,第二次見中醫師.
落雨天担著傘過診所,行來有點喘氣,過到去1128,診金醫療卷200元,坐下等到1209輪到見醫生,除教授問過一切,把過兩手脈,睇過條俐,5分鐘就出藥單走得,老婆藥房交藥單,我就預約下次覆診,老婆攞過兩劑藥1226走得.

返歸1245老婆忙,就我來上網,youtube到兩點多鐘,老婆追下午茶,順便啓動個支付寶喎?
落到大家樂,支付寶奴隸又要開工,由於老婆手機無上網,又要試吓無網能否操作?原來係唔得嘅,為有靠免費wifi,教過老婆操作後,老婆過7仔入錢,再三叮囑初入100好喇.
老婆入咗錢回來,又要踱吓用那一個支付寶來買餐?算過都係用我個來買,買滿60元有30蚊獎賞.誰知埋到去,大家樂妹妹話,要分開兩個餐買,若果唔係就得一分喎?唉!又要問問老婆,老婆話蝕就蝕啦.唉!喱啲婆媽數真係唔識計?兩個餐60蚊支付寶付款半價30蚊,而我今日買餐,又多個印花,又湊夠三個,又可當5蚊用.
.
吃過坐夠老婆個支付要開張,就隔鄰麥記破處,由於我推薦佢,佢又有2蚊獎賞,於是教佢8蚊買杯雪糕開齋,首次用支付寶要輸入密碼,還好順利6蚊買杯雪糕回來,而我這個推薦人,就即時彈出20蚊獎賞.

吃過坐夠,本來想去揈吓對腳,可惜落雨,為有打道回府.
回家5點鐘,今日長長篇blog要開工,寫到咁上,老婆又來要電腦,唉!你用到夠,我就累累哋瞌吓眼睏.半瞌著下聽見自己條氣管噓噓聲,才醒起這幾天行路氣喘?頓時想起當年,2005年2月22日咳到氣喘,入院留醫13天,還未醫未好要出院,後來覆診就依靠一支類固醇,同一支擴張氣管哮喘噴劑,後來無喘後,擴氣管就無吸到,而類固醇一直吸到至今,不過都減少好多,隔日臨瞓前吸一口而已.

好彩2017年10月4日,因血壓高睇政府診所,多口問醫生攞支擴氣管噴劑睇門口,於是乎吸一口,當堂條氣順晒,而檢查吓吸開支類固醇,原來老早以經吉晒,怪不得喱輪又喘又咳啦?總算真相大白.
還有段巧合故事,2011年3月又係身體唔好,去大圍一藥材鋪看中醫,同樣想調理吓身體,誰知睇咗幾日,又係咳同氣喘,又係醒唔起氣喘留院13日件事,導致有日喘到行不得,2011年3月24日要call的士去急症室,結果急症病房留醫七天.
今晚個仔兩個不吃飯,就等我來一煲過同老婆兩個人食.雪柜料有山坑鹹魚仔,唉!終於消埋,臘腸一條,荷豆一揸同白米一嘜.2042開飯一煲搞掂兩個人食.好滿足.

失眠未瞓過,起來鼻水直流,麥記早餐,惠康廁紙同米,第二劑中藥,下午大家樂,老婆裝支付寶,晚飯4人食.

昨晚飯後又要賭馬,馬輸20後又要趕埋篇blog,又要C趕爛趕,飲埋番渣煲劑中藥,極度難飲,跟住研究吓個支付寶,太多嘢太多字,頭到大?
搞吓成點12點幾鐘,大鑊?可能太夜飲嗰兩劑中藥?唔瞓得?有幾聲咳同氣促,聽到自己條氣管噓噓聲,奇怪個鼻又一點事都,無鼻水呼吸暢順,本來真係阿哩吉帝,但可惜瞓唔得著,一直氣喘喘的捱,捱到臨天光才稍為瞓咗陣,醒來以經8點幾鐘.

整晚個鼻無事,無鼻水無鼻塞,起來梳洗洗鼻後,鼻水就開始湧出,水喉漏水一樣,直流出來,擤著鼻水上網,老婆起來無麵包無早餐.
打點好一切,成10點鐘落麥記早餐,麥記門口遇上前同姓女食蕉,買早餐離開,嘩!超長氣同姓呀姐,傾過不停過,終於甩身入麥記.
麥記當然用支付寶,獎賞嘢又要算餐懵?諗住用咗個要買夠60蚊個迎新30蚊印花,誰知出來顯示用咗2蚊雞?唉!個2蚊係blog友黑咪推薦嗰兩蚊?唉!原來係順住落,印花多咗,紅色麥記,藍色每日一個,初哥無偈?

到食早餐才發覺無戴假牙,梅完個早餐,又要上惠康買廁紙買米買麵包?上到去心儀米無,心儀麵包無,求其買咗白麵包9.9蚊,銀花米63.9蚊,買埋兩條廁紙54蚊去付錢,

都知道惠康無做支付寶,多口講句點解唔做支付寶呀?收銀呀姐好勞氣話,係呢,邊有咁鬼落後吖?啲客成日都問支付寶?比啲客窒呀.哈!公司連累埋伙記.
推住兩條紙一包米返歸,回家1116老婆著手替我煲中藥,我就上網寫我今早blog,睇吓個市,嘩!跌成6佰幾點?唉!原來今日才來跌?望吓澳元,都有點安慰,終於跌番晒落來.
1314量血壓138/82-71,才食今早藥,去到1405我第二劑頭劑中藥煲好飲得,今次又無咁難飲?

去到兩點多3點鐘,可能飲咗劑中藥,飽飽滯滯咁,都要落去食嘢,個仔新抱又唔去,我同老婆去食大家樂,老婆大家樂會員,我就支付寶,積分又要諗諗偈?都上網search過,同收銀有得傾喎?以經1515
收銀無客,於是埋去傾兩句,佢話先拍百達通,不過數,才用支付寶付錢,以為算到盡,先買一個餐25蚊,跟住多一個印花,啱啱好多個藍印花,夠三個有5蚊錢又買個餐.
買後印花無多到?才醒起藍色每天只能攞一個,而我飽飽滯滯都唔鬼食.

吃後手機夠,老婆去買餸,我就走去遊樂場揈腳,都係輕輕揈吓算.

4點多啲鐘老婆買餸到,買有波菜苗一斤10蚊,荷豆一斤14蚊,斬义燒30蚊同冷藏魚餅15蚊

返歸1628老婆替我番渣煲藥,我就上網寫我長長篇blog,1742番渣中藥煲妥飲得,

而推薦老婆個支付寶,才來幫佢裝,熟能生巧,話咁快裝妥,教佢一輪,明天充值用得.

2052老婆飯熟開飯,有斬大嚿义燒,香煎瓜子倉同炒波菜苗,人齊4個人食.

睡來尚可,鼻水稍好,整日在家上網,食麥記,博愛睇中醫,晚飯4人食,賭馬輸20,夜突然咳餐C,

昨晚資整下成12點鐘至瞓,夜所一劑就4點多鐘醒,鼻水到,還好不太嚴重,都不敢大擤特擤,但唔擤又唔得?搞咗輪歌仔塞耳,慢慢瞓返,6點多鐘醒,收音機賴床.

望吓手機擤吓鼻,賴到8點多鐘起來,梳洗洗鼻番熱最後劑木耳,上住網食,9點多老婆起床,梳洗好自搞早餐,咖啡淥麵食,餐後老婆到,咁就換位.
我就搞我早餐食,食餐後辦妥一切,1032量血壓,127/79-59,食今早藥,藥後看電視,美股昨大跌799點?還以為港股開市會跌過千,竟然無?個市低開514點,目前跌400點?
老婆電腦我電視到12點鐘,老婆街街,輪到上網,到兩點半鐘,唉!鼻水困擾都關機唞唞.
見老婆還未有電話返?於是至電過佢,話現在返緊來喎?成3點鐘老婆返到,便齊齊落商場下午茶,先7仔支付寶增值100蚊,然後食麥記,兩人40蚊,支付寶畀錢,印花一個,

吃過坐夠1530係時候過博愛睇中醫,約咗1620應診,但要早點到?腳好咗啲,無須拐杖,行來還可以,但有點氣促喘氣?過到博愛中醫1550,第一時間登記,盛惠200蚊,用醫療券,跟住就睇螢幕,等號碼.
一等成1617才輪到,8號房除醫師,敲門入內,教授級即教授,一男一女實習醫生跟住,除醫生問乜唔妥,我話身體唔好,成日流鼻水,鼻塞,由其晨早,鼻水無制一樣,擤不停,越擤越嚴重,食西醫藥止得吓,過兩日更嚴重,西醫生畀的大多收鼻水藥,過兩日又係一樣.
我就思疑身體問題,佢問咗我一輪症狀,把過兩隻手脈,睇過我條俐,我話係咪寒得好緊要?跟住一輪咀,寒涼唔好食,食熱嘢,食多啲有薑嘢,著衫著到有微汗出喎?
佢單手摸住個鍵盤,好慢的,一路諗一路篤,篤咗好耐,才編張藥單出來,望吓鐘足睇咗我半小時.
拿過藥單,離開1652.
老婆拿單去藥房,藥房話不用錢,診金以包,咦!兩舊水包晒?咁就預約埋下次覆診,約好下次7號星期五11:40,拿過兩包藥走得.

回家1730老婆街市買菜,我就先行回家,老婆就處理今晚餐餸.
寫輪blog不覺又6點幾鐘,國際騎師賽,踱吓馬仔先,哈!原來以經跑咗兩場,繼續踱馬仔.7點多鐘個仔返,個女又話上來食.
2045老婆飯熟開飯,有煎雞扒,炒唐蒿菜,煎瓜子倉兩條,4個人食,飯後食我第一劑藥,極度難飲.

飯後賭馬,輸20馬後,10多鐘突然間咳到飛起?還是要含赤甘草止吓.

睡來可以,晨早鼻水到,整日擤到頭都暈,整朝研究支付寶,擺個大烏籠,1434成功啓動支付寶,食大家樂,遊場揈揈腳,晚飯4人食.

昨晚都早早就瞓,夜所兩劑,便瞓到今早7點多啲鐘醒,鼻水無到,但好乾壓住鼻好痛,慢慢擤吓佢,唉!誰知越擤越鼻涕?唔擤又唔舒服,越擤越有,太多無辦法,為有起床.

鼻水依然,烚水洗面洗鼻,熱水敷吓個鼻,番熱木耳漿,咁就開始不停擤鼻水,上網寫下今事,不停要擤鼻水,老婆起床見我在上網,就煮埋我份早餐,

我就邊食邊上網,到1005才放手過老婆用,鼻水流不盡,擤不完兼鼻塞,頭都暈埋.搞掂一切事務,1200量血壓139/75-62嘩!好險?食過今早藥.繼續手機+電視.
見朋友換手機,又話裝咗支付寶?街坊又問我有無裝?好多著數喎?又話個女替佢裝咗?唉!什少消費我,除外出乘車外,其他乜都老婆支付,百達通又轉埋自動轉賬,支付寶對我來講,要來做乜?見朋友裝,街坊裝,blog友裝,他媽的,於是乎的起心肝解吓,其實以往都有留意過?
上網摷輪料,學咗一輪,胆粗粗下載個app玩吓,下載後填晒料,叫做開通咗?再網上了解吓?硬係唔多對路?點解唔同嘅?又會無7仔同OK個logo?

唔通網上教的係舊料?搞咗成幾粒鐘,問吓新抱又話無裝,不知道,至電個女又忙無接?朋友又係忙無接?唉!個鼻又唔生性,又塞又鼻水擤都暈,不如直接落7仔問好過?換好衫出門,老婆又要來,又要睇埋三姐煮餸先喎?唉!是但啦.
兩點多鐘落到7仔,超正收銀無客?於是拿個支付寶版面過佢看?問佢如何增值?佢幫我按制,按極都無嗰個icon係?後來另個售貨員,比佢支付寶版面我睇,才發覺我裝的是係大陸版支付寶,唉!才知擺咗個天下之大烏籠.

同老婆走進大家樂,嗱淋即時再裝番過個HK支付寶,即時返回7仔增值,100蚊增值過數成功.然後返回大家樂以支付寶買餐.
唉!嘜咗兩個餐,嘟極都不成功?大家樂姐仔話,要密碼呀?奇怪?於是乎摷張紙,都唔知邊個係?當然唔掂,見後便條龍都唔好意,於是乎叫佢取消先,等陣再來買過.
返回位思量一吓?係啦,喱個才是我密碼,再埋去買過,哈!哈!成功了,就係咁嚐試了我支付寶第一次.老婆25餐我29餐.

吃過坐夠玩到手機無晒電,老婆去買餸,我就走回昨日揈腳地方,揈揈腳,唉!都唔敢太劇烈,揈咗陣老婆買咗餸到,買咗瘦肉15蚊同節瓜7.5蚊,就坐埋一邊玩手機,我就求其揈吓,就齊齊返歸.

回家1610,萬昌來電,又傾輪問後傾?講吓邊個邊個?盡量傾多兩句收線,收線後才開始寫我今日長長篇blog,個侄又whatsapp到,問長問短,唉!嘥氣.
上輪網2030老婆飯熟開飯,有木耳竹筍炒荷豆,昨晚的雞,節瓜瘦肉湯,3個人食,1夜返留湯飯餸.