睡來尚可,想舊事,游水600m,黑色年初五,下午茶大乜樂,買六合彩,晚兩個人淥麵食.

昨晚如常12點前都瞓,一覺5點鐘去個所,又瞓不返,5點半閙鐘響老婆起床,到老婆返工,我依然瞓不著,無奈為有耳塞歌仔瞓,唉?都係瞓不著,掉..索性手機上網,睇兩睇都係算,諗起朋友?無晴晴又話前列腺癌,唉?每個人身體梗係有樣嘢?於是諗起自己心藏病,諗吓諗吓咁就瞓著咗,一瞓就9點鐘,收音機賴床,到10點鐘才起來.

幾天來右大髀無晴晴痕咗幾日,求其摷些藥油搽吓,又似乎得啵?痕?蝨從那裡來?唔通條N年LEE牌牛仔褲?近年瘦咗成10磅,拿出來又啱著?穿咗幾日,唔通係佢有蝨?穏陣啲都係洗咗佢.

開動洗衣機才洗面,搞早餐上住網食,今晨想起心臟病,木耳條方無事都好多年?飲水思源,又摷吓個紀錄,原來2012年4月26日留醫無符?出院後兩日,開始食木耳條方,直至今日都無事,都差不多5年LU,摷輪紀錄上陣網又12點幾鐘.
過年來成星期無游水?1點鐘執嘢去游水,落到單車場,攞單車時老婆返到,傾兩句我都係去游水,過到泳池1點35分,大鑊忘記帶銀包,在門口諗咗陣,咦?袋有利是喎?拆封利是機換過碎銀入場.
更衣室搞掂一切,池面熱身,有太陽泳客多,稍熱身1點48分下水,埋頭係咁游,人多關係被人踼兩次手抓一次,2點21分,12個塘夠數,到埋梯上水時,又被人碰一嘢,唉?真係黑仔.
更衣室搞掂一切,同呀王吹兩句水走人,單車沿城河邊踩回家,.
返回單車場,鎖好單車,見隻貓踎響度,平時未埋到去,以經走夾唔抖,今次行到埋埋,都係微微張開吓個口,唉?看來病都似?毛色都無往日咁油潤?

返歸都3點鐘,兩母女話落大乜樂下午茶喎,咁就齊齊落去,我食個米粉餐25,老婆熱狗餐25,個女就食個沙律炸髀炸34蚊,唉!老婆吃完,我吃完個衰女隻炸髀還未開刀,到開刀慢慢切走啲濃,層皮就刮走啲膏,續一慢慢細嚼,唉!等你都儍,我都走LU.
 
回家4點多鐘.上網寫我今日blog,看陣電視7點半鐘,新春金多寶買六合彩,同老婆合共投注70元.
夜佢唔食,佢又唔食,我同老婆兩個人食,又雪柜料煮麵食.

 成8點55分開餐,同老婆兩個人食.
 

年初四,睡來尚可,整日在家,中心下午茶,行超市,晚餐打邊爐,3個人食.

昨晚出埋篇BLog成1點半鐘至瞓,半夜去個所就瞓到老婆起床,稍醒就瞓到今早近9點鐘,幾天來左大比無晴晴痕,唉?都唔知係咪有蝨?睇嚟要揾啲嘢搽吓?
手機賴床到10點鐘起來.番熱木耳漿洗面空肚食,上網寫下今早事,搞早餐,無麵包為有又蘿蔔糕同鮮奶麥皮,蘿蔔糕今次蒸,又幾好味,辦埋個不俏大事,上輪網又1個上午.
1點多鐘老婆返,老婆遊戲輪,2點鐘齊齊過市中心揾嘢食,今日食快餐店,老婆腸仔蛋湯麵,我就公司治餐,兩位58蚊.

吃過坐夠行超市,行輪超市買咗隻鮮雞29蚊,早餐麥方9.9蚊返歸.
 回家4點半鐘,老婆上網遊戲,我就坐著恰眼睏.
 夜個女又話食,咁就不如打邊爐.

 全部雪柜料,3個人食.
 

年年如是初三一聚,粉嶺逸峯廣場.

年年如是,初三例牌菜,兄弟們一起來個團拜,約好12點鐘粉嶺一酒樓,11點鐘出門,火車相當多人吓,無得坐企車門邊,途中突然胸口有點翳悶,兩肩膞好非常墜感覺,心諗大鑊了?唔係嗰加嘢嘛?企響車門邊好耐,直至粉嶺下車,唉!求神拜佛,黎明不要來,跟住搭278K巴士,一直去到終站.

年年都係帝庭軒一酒樓,今年換咗?逸峯廣場新明苑喎?未來過?下車跟著手機地圖方向行,來到逸峰廣場,咦?有間戲院啵?以為問聲職員?唉?誰知話唔識?再問隔離位啦?哈!佢叫我問第二個?谷鬼氣自己來揾,行不到兩步有扶手電梯,見上便好多人吓?似酒樓格局?於是問聲正下來個女人,上面係咪新明苑呀?佢話來探人咋?唔知啵?跟住有個男人出聲,上面好似有間叫乜乜苑?唉?問都嘥氣,索性搭程上去睇吓.

上到去單車兄弟離遠揮手叫喱度?再望吓招牌,掉…比啲桃花遮咁截?掉..怪不得無人識?跟住見到大佬到咗?單車兄弟拿住張號碼紙,話表姐無攞枱喎?現在排緊隊咋?望吓酒樓門口,嘩,超多人等位?

地胆即地胆,表姐出馬立即有位,坐定定開茶剔嘢食,一共9個人,還有個兄弟夫婦未到,去到1點鐘才人齊.

大佬坐隔鄰,昨晚揾到google相薄,儲存有限量同無限量資料,諗吓好不好同佢講呢?佢啲脾氣做細佬既,又點會唔知吖?根本無得相量,傾唔到兩句?後來終於忍不住口,同佢講兩句,還未傾到句兩,我以經一面屁?唉!嘥氣,都係收口不提會好過些.個侄佢個仔成日話我們無溝通?大佬點溝通呀?

我都係小說話多食嘢,而大佬同其他兄弟一樣,頻頻有火花,大佬實在太主觀太認叻,別人意見一點聽不入耳,嘥氣.

仔仔一枱,傾傾講講食過又差不多3點鐘,找數676元,年年如是AA制,表姐標哥德高望重,當然我們請,須然唔肯,但我們堅持,7個人計,每位96.57,每人1舊作算.

離開酒樓過帝庭軒表姐處坐,大佬有事走先.

上到去坐輪,傾的大多數旅行經,幾年來個個都超齡級數,利士習俗早以經免,外甥坐咗好一會都走,而表姐年年如是,過年糕點少不免,又食番餐,食過糕點係時候散band.

食過年糕點又蘋果橙,臨走又每人質番盒餅.

離開咁啱同遲到兄弟一起火車,傾開大佬往事,又大數N年事,唉!做細佬柒拾年,又有乜我唔知吖?不輪朋友親戚,有誰唔怕咗佢呢?呻不完?我都到站下車.

回家都6點鐘,老婆同個女今日食自助餐來,話唔肚餓喎,叫唔好煮飯,唉?你唔食我要食,雪柜料西蘭一隻,蝦皮,雞蛋同鴛鴦臘腸.

臘味瓦煲飯一煲,

西蘭花拼臘腸,

蝦皮蒸水蛋

結果老婆唔食,我同個女兩個人食.

年初二,睡來可以,終於搞掂無限儲存,傑仔們到,大乜樂下午茶,麥記雪糕,晚無煮飯炒辣嘢兩個人食.

昨晚呀偉收工上來,個女淥麵過佢食,還有上水攞來冬菇蠔是過佢食,傾兩句12點零我都瞓,半夜要去所,還好都瞓返,一瞓就今早8點鐘,手機賴床到10點鐘才起來,煲水洗面番熱木耳漿空肚上住網食.

寫下今早事搞早餐,早餐無麵包,為有淥個麵同鮮奶麥皮食,上陣網辦大事,昨晚搞咗電腦google相薄,由原始相片大小,儲存有限量, 轉去高畫質 (無限的免費儲存空間),
 但手機就揾唔到這一頁,深深不忿下?又上網摷過,哈!又比我找到,於是乎又由儲存有限量,轉埋去高畫質(免費無限量儲存空間).
https://www.bnext.com.tw/ext_rss/view/id/727649

搞掂又1點多鐘老婆返,冇耐隔鄰X太啲仔女,孫仔孫女齊齊來同個老母拜年,年年如是順道過來恭喜我一番,霎時間成屋都係人,互派輪利士,講輪客氣說話,嬉嬉哈哈又散band.

而個仔同新抱等陣要外家處拜年,今晚唔食飯喎?差不多3點鐘個女同呀偉上來,由於屋企得番些少蘿蔔糕同馬蹄糕,要煎真係唔夠食?於是叫個女大乜樂揾位食好過?而新抱扮靚連落街食,都話無時間?無就老公買喎.

落到大乜樂個女同呀偉到咗,個仔就排隊買外賣,個家姐跟住買我們份,每人食個下午茶餐.

 

個仔買咗佢份便拿回家.4個人食過坐夠,老婆又叫食雪糕,於是又轉場隔鄰麥記食,每人一杯,嘆完就返歸.

回家個仔同新抱重未出得門口?唉!扮靚搞足成日?5點15分新抱終於出得門口.而個女同呀偉就坐到成6點鐘才出門.

夜兩個人食,不如清雪柜,料有紹菜,隔夜雞,上海年糕,牛皮干同西蘭花頭.

樣樣切碎炒,

辣椒XO醬炒埋一碟,還有碟隔夜髮菜冬菇蠔是,兩個人食.

飯後果.

大年初一,睡來唔錯,年年如是,大佬處拜年,呀嫂一手好廚技.

昨晚年30邊度都無去,煮飯個仔同個女呀偉食,吃後個仔出街,話同老婆行宵喎?煮埋包湯圓4個人食,12點都上床瞓.

一覺5點半醒.老婆返工,去個所差點瞓不返,好彩耐性些瞓返,一覺瞓到今早8點多醒,手機賴床9點多,whatsapp恭喜頻頻響,恭喜短訊傳來傳去,不如砌張圖回覆吓,還有點意思?

send完一輪,10點鐘起來.

睡來唔錯,番熱木耳漿洗面食,上網寫下今早事搞早餐食,新抱番工,無聊下上輪網又一個上午,什少沖茶的我,沖番壺靚菊普嘆吓.

1點多老婆返,個仔亦瞓醒,個女亦回來,齊齊煎糕食,吃後便北上,上水大佬處拜年.
 年年如是個外甥以經到,而大佬兩個仔同新抱都不在,要外家拜年喎?剩係大佬同呀嫂招呼我們,年年如是吹輪水有好嘢食,呀嫂一手好廚技,三個餸一個老火靚湯,都唔少嘢,食到咀歪歪.

傾的不離同手機有關,同大佬真係無得傾,拗頸多過食飯,大佬有佢啱無人啱,拗輪頸又9點鐘係時要走,返歸又10點鐘,洗個白白就結束這個大年初一.