睡來可以,腳依然,外賣早餐,大除夕刮鬍子,食大家樂,整日在家,晚飯4人食.

昨晚11點鐘都瞓,夜所兩劑便今晨0621醒,瞓不返,收音機塞耳,賴床到0810起床,老婆亦已醒起了床,問買早餐好唔好,當然好啦.

起來昅吓個温度計12%,同昨日11.5%差不多,梳洗好老婆返,老婆買了53早餐,同些菜料82蚊返,

餐後老婆約咗人出街,我就辦我今日事,2018大除夕,刮刮我長長的鬍子,執執我個電腦位,上輪網1點多鐘老婆返,新抱蒲頭,兩點鬆啲鐘齊齊大家樂,我依然趌跛跛的篤去.
落到大家樂.咦?又奇怪?又唔係太多人啵?好快便找到張4人吉枱.老婆29,新抱又29,我就31餐.

吃過坐夠老婆去買餸.,回來又話嘉頓無麵包,連續幾日都無?搞乜鬼?無就算,返歸.
回家3點多啲鐘,我繼續上網,youtube聽歌仔,由於今日未瞌過眼睏,聽聽吓終於頂不住,笠著耳筒梳化瞌陣,聽聽吓支音樂好熟,好好聽,嗱淋起身望吓,掉..原來老婆打機啲音樂.
瞌輪眼睏睇電視,半個鐘既三國潛龍在淵,睇睇吓又幾好睇,可惜半粒鐘好頂癮?
成8點鐘個仔同新抱還未有訊息?同老婆講無得等,煮飯我哋食先,佢倆留湯飯餸算.
2028同老婆開飯.兩個人食.