睡來唔錯多夢,整朝上網,佛都有火,食759行超市,晚飯5人食.

昨晚飯後在屋內,所有能望到天地方,都岳岳過晒?都找不到月亮,最終臨瞓前12點鐘,見到這一刻,大大月亮頭頂卦.
幾天來未好瞓過,這晚一覺天光8點多啲鐘醒,可惜多夢,醒後都忘記LU,去個所回來,瞓不返賴床,胡思亂想下,想舊事,想起N年初戀女朋友,現在點個樣子呢?若再見面又會點呢?就係咁賴床到9點多啲鐘起來.

洗面搞早餐食,餐後9點44分量血壓131/79-55,食過今早藥,上網寫下今早事,手機whataspp頻頻響?都係談論昨晚個超級月亮,還好我都無執輸,我家月亮差點兒漏走.
 
辦完大事又11點鐘,昨晚碗蕃薯只不過好了些少?上網看陣新聞,就走去揾吓有乜歌仔好聽,一摷又12點幾鐘,摷到首又幾好聽,但似乎好熟悉?再摷吓原來張學友隻真情留露,原曲還是日本仔的,聽過下載埋，關機看電視.
關機後去廁所吐啖痰,其實喱咳痰多,不過咳同痰都大大減少,只剩下希痰,吐既次數相當頻密吓,每朝起床都一桶仔有痰廁紙,今次廁所一吐,個衰女好話我唔沖廁,只不過小啖希痰,而咁頻密去吐,唔通吓吓去撳來去沖?對個水箱個波曲,好快玩完,大佬誰來修理同更換個新揼,又嘛係我.
頓時火起三千丈,扑你佳吖?一輪咀省鑊佢,大數佢舊帳所為不是,結果嘈到憐居以為乜事?嬲得我換衫出街,無眼睇你喱個唯我獨尊,要含屋人以佢為標準.
換好衫衝出門口,關了門,大鑊無帶鎖匙同銀包,拍門個衰女唔肯開門,隔憐唐生問到?唉!大訴我苦水,我話無錯係要衛生,但不是衛生得咁緊要,水箱係須要撳,但這個不是公廁,有人修有人理呀,大家憐居咁耐,你都知道我在家維修做過幾多嘢吖?佢又無本事,有本事搬出去,你撳一千次百萬次,你的事,要整要修係我呀,唐生話算啦,唉!係點呀,朋友唔啱可以不交往,同血源都要算啦.
個衰女終出街,我才入內攞番抽鎖匙同銀包,門口又遇邱太,又問乜事?又同佢訴兩句,邱太單襯湊大啲細路,家居事你都知味道啦,真係身在福中不知福.
谷鬼氣返回屋,1點多鐘老婆返,問係咪換定衫同我出街吖?唉!谷鬼氣話佢知谷氣事,其實老婆都受佢好多氣,老婆回來買有筷子筒19蚊,自己走去拆舊換新的,但換極都都唔掂,為有我出手,三兩嘢搞掂.
搞掂後老婆又唔上網遊戲啵?成3點鐘問佢點呀?佢反問我點?我話沙田中心食麥記兼買餸啦,老婆係鍾情759?我話佢碗嘢好大碗啵,食咗不用食飯?
結果搭程過好運,759每人食個下午茶餐,兩位合54.4元,

吃過坐夠whataspp過行超市,卜佳買有衛星包12蚊走得.跟住過759買有麻油21.6蚊,脆餅條兩包11.4蚊走得,跟住雞寶買有蠔油一支11.9蚊便打道回府,返回樓下街市買個椰菜3.5蚊番歸.
 
回家6點20分,老婆就染頭髮,我就上網寫下我啲谷氣事,個衰女返買有佢晚餐,跟住個仔返,我依然堅持我三不,不參與,不討論,不理喻.
夜8點10分煮飯,料有椰菜一個3.5蚊,香芋南瓜大半個5.8蚊,昨晚鹹雞,雞汁同葱.

 蒜頭豆豉煮香芋南瓜

 隔夜鹹雞兼焗飯,

 青炒炒椰菜,

 8點50分開飯,5個人食1夜返留飯餸.

飯後果蜜柚.