失眠兼咳得我C,早餐大乜樂,中心食麥記,瀝源買餸,個仔邊爐凍料返,晚齊齊打邊爐.

昨晚搞兩搞又成12點幾至瞓,還好無耐便瞓著,可惜4點多醒咗,去個所就瞓不返,捱咗好耐還是一樣,為有笠個耳筒,收音機賴床,衰在又咳起來,就係咁咳餐C,瞓不到7點多為有起來,洗個面上網寫我blog.

寫陣blog 8點半鐘老婆放假亦瞓醒,幾天來大事不妙,都要試試,結果一樣,大事不妙早餐又無麵包,為有大乜樂.
9點鐘新抱返工,我就帶埋藥同老婆落大乜樂,星期六特別多人,難得找到個單對單位,老婆25我24.5餐,
 
吃過坐陣食埋今早藥,手機望望,有個女人在傍等位,突然個女人同個呀婆講,等喱度啦,哈!個呀婆好燥咁講,等乜吖,人家坐到今晚呢,我聽見當堂有點火滾,後來諗深一層,唉!啲老人家發火,算啦,見個女人還在等,我就叫聲老婆走啦,呀婆發脾氣呀,個女人好唔好意思,話唔係嘅?跟住個女人叫呀媽喱度呀,唉!老人家就係咁.
同老婆返歸10點鐘,再量次血壓136/79-58,同老婆齊齊上網,11點多鐘以經超眼睏,關機看電視.唔夠瞓烏吓烏看完集羋月傳,2點多鐘老婆話要買衫喎?叫我不用陪佢,叫我自己去買餸喎?諗吓都係唔好,不如陪埋你買衫齊齊買餸好過.
兩點多鐘齊齊出門,搭程車過市廣場,先沙田中心食麥記,還是一包一餐33,
 
餐後坐咗好一輪,就開始行商場買衫,由沙田中心開始,好運跟住過瀝源商場,結果都係空手而回,買衫不成都要買餸,先由759開始,759又6,7,8,折,睇過晒無乜好買,又試下個特價龍蝦頭,5蚊包執咗三包,又見提子乾6折,又整盒19.1蚊,合共34.1蚊.

離開759就行雞寶,雞寶一掃67.7蚊,買有新會柑5磅20蚊,甘菇兩包5蚊,雪菜生菜18蚊,香蕉6蚊,豆卜4.8蚊,豆腐4.5蚊,魚胶10蚊同啤酒6罐13.9蚊.合共82.2元

離開雞寶兩公婆各孭一大袋,行去街市,實太累老婆你行埋佢,我就在街市門口坐,老婆就走入街市買魚胶同豆腐,跟住卜佳12蚊買埋衛星包,回來二人孭餐C的行去城廣場,搭程車返歸.
回家6點鐘,老婆處理買來菜料,我就上網寫今日blog,6點多鐘個仔返,買有大批邊爐凍料返.
8點40分人齊開火,6個人食.
龍蝦頭火鍋底.