三百山温泉三天(首天)

2016年11月2日參加匯景,三百山熱泉河三天團.

            

                                            團費439+保險63+小費240*2= 1484元.

由於旅遊點位置,行程集合點福田口岸為二站,時間係8點45分,同老婆8點35分已經來到報到,

報到後9點鐘人齊出發,

整團44人,大部份散客,兩個三個居多,匯景導遊特別多嘢講,大講地方風士人情,今趟唔例外,

11點鐘來到泰美服務站,團友鬆鬆.

11點55分來到河源新坤記食我們中午,都曾來過不少.

家常便飯菜式一搬,不影也吧.

14點半鐘來到粵贛收費站.

14點44分來到該團第一個景點,蓮塘古城.

古城滿佈壁畫,搞旅遊搞到要咁?

來到城隍廟,兩位團友花姿招展,打扮得好靚,

簡單一間廟,

廟內係咁易望吓,門口以經一大堆團友,搞邊科?

原來係賣綉花鞋,人仔40元一對,話係自己綉喎?有冷有線在則,信不信就由你LU?
 
 行不到數步有個古井,又有壁畫,趌跛跛的我,同講解員保持頭尾距離,至於墻上講乜就聽不到LU?包尾大番的我,更無暇去了解?

井底兩隻老娃娃.

黃屋一間,名字係我按?

一小時古城遊畢,包尾的我,回到旅遊巴又係我.

繼續行程.

10多分鐘車來到第二個景點(明遠第圍)單張上行程,係頭尾天各遊一景,明顯首天遊埋,尾天好走一點.

客家圍屋(明遠第)

團友似乎對個井好有興趣,埋去睇吓?原來教人如何打水.

略為看過內便情況便出來,

門前刻有個字,乜字呢?大概係富字卦?

喱個又乜符號?

研究輪係時候要離開.

 途中將近來到酒店,導遊宣佈個壞消息,說三百山塌方喎?三百山上不得,行程要取消,奇怪?唔通幾天來這裡,連場大雨塌方?
團友問咁取消,即係點呀?有無其他景點代替?導遊話無呀,就酒店浸温泉啦,團友即時起哄,嘩!酒店乜都無,温泉又點浸得咁多呀?團友議論紛紛,真大鑊,其實要行對我來講,去與不去我無所謂,我對咁既腳不行也吧.

大約兩小時多啲鐘,18點半鐘終於來到我們入住地方,(熱泉河温泉酒店)

酒店大堂,在等分配房間,

大堂導遊分配好房間,我同老婆分到地下1161號房間,同一走廊的一共5伙人,我隔鄰間係一老一嫩兩伙子,先前無咗個三百山景點,佢好似無乜所謂?另伙坐我前兩姊妹,再前面中年夫婦,還有隔鄰同我年紀相約夫婦.
高高興興的來到房間,立即檢查吓有無唔妥,一檢下?電視無訊號,龍頭無熱水,嘩!開咗廿多分鐘,水只得微暖,電視以為唔識撳啫?水開耐些大概會熱卦?誰知隔鄰三伙以經蒲出走廊,大叫無熱水點住呀.

由於要食晚膳,回來再同導遊商討,放下行理便齊齊外出餐廳食飯,
由於要坐電坪車前去,電坪車得一部,老婆上了車我以經無位,為有等下轉.

車程好近,好快便到,

餐廳相當大,可惜無乜客,遠遠有兩枱,其如便是我們4枱.

菜式都係一般,又不算太差,菜多肉少,進餐其間,還是討論明天無咗個招牌景點,又無代替點怎搞?團友議論紛紛,女仕好簡單,話車去行街市囉,男的好似無所謂,大概啲友至在hea吓卦?可能導遊缷責卦?揾來經理說塌方,車上不得無辦法喎?
食食吓,遠遠兩圍團友,食飽離開經過,望吓佢團章永安旅遊,又幾好傾,問吓佢哋,都係上不得三百山喎?不過每人回水50元人仔喎,嘩!咁又唔同呀?有板你睇,問佢團費499喎,貴我們60元.
飯後不用我說,以經有團友反影過導聽,話說,話不到事,要至電回公司喎?

食完個飯還是坐電坪車返回酒店.

返回房間,電視依然,熱水一樣,係無的,大家齊齊走廊等導遊到,而我隔鄰一老一嫩,似乎無投訴?經以關門外出,而我們四伙人在走廊議論紛紛.
傾兩傾導遊到,而個所謂服務員亦到,服務員掹搞個搖控,電視依然無,便說訊號站壞咗?修理中喎?團友即時話,大堂個電視假架?服務員無聲出離開.

而個導遊睇過自來水,說温泉水係不太熱喎?開耐些會熱喎?唉!大佬水喉開咗半小時有多,都係微暖,若果等沖涼凍瓜都似?無電視無熱水點住呀?行程又話塌方無咗,又無代替?酒店無咗豈不是瞓街,跟住有人題議,不要理直頭拖喼出大堂接待處啦.
出到去接待處,說房間爆滿無房可換,有無搞錯呀?後來又話得三間,叫我們抽薟喎,哈!咁都得?不竟係女導遊,這些經驗係差,諗住求其敷衍了事,我們啲老嘢又點會肯吖?足知爭取換上二樓4間房,經此一嘈,哈!我們竟然熟絡起來,齊齊相約8點45分大堂等,齊齊去浸温泉.

看過房間有電視,熱水一開勁熱,放下行理就落大堂.

8點55分齊人,8人一同電坪車,



9點鐘來到温泉接待處,拿過儲物柜匙便入更衣室,

換妥泳褲出來,就係這個大池,水唔錯,非常熱,浸輪坐夠,又走去其他池仔睇吓.





行輪其他池仔,黑嘛嘛,水都係大池較熱,求其浸吓,便返回大池再浸,浸夠以經10點多啲鐘,又入來這個室內按摩池玩.

玩夠10點半鐘,走去二樓休息室,飲番杯橙汁,坐夠走人.

在温泉門口等極唔見有車,見還早又近,同老婆踱路返回酒店.
返回酒店11點15分,洗過白白早點上床豬LU.

就這樣結束今日行程. 下篇再續.