美林湖渡假酒店+凱景酒店三天(二)上

2015年8月4日美林湖渡假酒店+凱景酒店三天(二)上.

昨晚成員生日搞到成1點半鐘至瞓,一覺6點零又醒,搞掂一切拍醒老婆,7點半至電另兩房成員起床,我同老婆先行餐廳早餐,場面墟撼,何止揾張大枱?兩人枱都要人家走才有,導遊先前都說過,一係早啲一係晏啲,無偈下來時間緊迫,兩個人食住等,不久個仔到,問何解唔霸張大枱,唉!剛才人多到乜呀?足知兩人坐另張枱.

 人多乜都慢,食以經須時,食飽有成員又話要辦大事,左等右等成10點半鐘起行,距離離開酒店得粒鐘,,唯一節目係,旅行社送的每人30粒高球券,無辦法.都要去睇睇,有得打就打啦.

高球場話遠唔遠,離開酒店門口,過條馬路就係,去到已經10點38分.

 

 搞得手續攞得杆同球,以經10點40分,哈!11點半鐘就要集合走人,兩個人60粒波,點打呀?

 6個人三條球道,係咁揮杆.

 

第一次接觸,揮空杆,符碌轆走,至叻緊過個牌50而已.

大概係高球經理卦,都忍不住來同我們上一課,理論一輪,技術一陣,話送多3,40個波我們們打喎,唉!不用客氣,有波都無時間打,要趕住集合走人呀,好多謝佢身水身汗同我們上一課.

 來到酒店門口,同老婆講,房間好Q遠,你去執行理,我在大堂等啦,才有點時間,感受吓酒店門口氣勢.

  温泉正門入口.

 好彩離開,團友大多數例遲,11點50分才人齊開車.

 12點半鐘來到這間楊屋酒家,食我們餐中午飯.

飯後 13點45分來到洪秀全紀念館

 洪秀全紀念館,方便過望望過.
 15點47分來到另一景點,叫全新陶瓷博物館.

 

 

 

 臨走扮吓嘢先.

離開陶瓷博物館,16點半鐘來到行程另間酒店,東莞的凱景酒店.

編幅過長又要唞唞.