無覺好瞓,耳鼻喉科應診,晚個仔到,家居改革,夜老婆煮飯三人食

昨晚連牙都無擦10點鐘已經瞓,一覺4點多鼻敏感發作又醒,鼻塞鼻水淵住個鼻,無辦法,為有起來出廳挨住梳化瞓,鼻水噴嚏不停,無偈,為有摷噴鼻藥,最後還是啪粒鼻敏靈,無得瞓,起來開機上網,6點鐘老婆瞓醒返工,7點多鐘食早餐,麥精奶加麥皮,又係食法包.

食完個早餐8點鐘,個女瞓醒,今日耳鳴見醫生,準備一切,正想出門,個女又話去,9點45分出巴士,一等成10點05分才有車,約好10點半鐘油麻地診所,有點心急,巴士出到咗頓道塞車,越等越心急,咪係喇,不如前一個站砲台街下車,一直行去.

趕到登記處10點40分,新症盛惠100蚊,個女比錢,登記後坐定定,等叫名見醫生.

 11點多鐘叫名,原來叫上1層十一樓見醫生,聶實在難等,同個女樓梯上,上到去,病人唔多好靜 吓.

  

交過診紙,做聽覺測試,入到房,原來係兒童房,好多玩具兩邊有揚聲器,十足音響房,戴上耳筒,聽有聲音就揚手,測完左測右,又測頭骨聽覺,同樣有聲揚手,測完又重覆左右耳再來一次,攪掂攞埋份報告,返回外便等見醫生.

  

 

大約等咗廿分輪到,個女一同入去,係位女醫生,話我聽力測試,對耳無事,係左耳高音差啲,跟住我將情況講佢知,耳鳴2014年7月開始,最嚴重時12月,睇街症排期,2015年1月5日睇工聯會專科,聽力測試嚴重,醫生話我耳神經壞死,無得醫,至到2月開始好些,到5月簡直唔覺有耳鳴,到最近似乎又重咗啲.

現在輪到個鼻嚴重,昨晚瞓至半夜,鼻水積壓痛醒,鼻水噴嚏不停, 咳就依吸緊類固醇,都盡量小吸.

跟住醫生幫我睇耳,說耳無發炎,耳鳴神經嘢,會自己好番喎?鼻敏感無辦法,叫勤些換床單喎,耳鳴一年後覆診,鼻就比敏感藥同噴鼻藥水,接過藥單醫生紙,外便預約,然後三樓藥房取藥.,搞掂晒12點28分.

  

 回家1點多鐘,有點肚餓,個女整法包同雞蛋食.

上輪網3點多啲鐘,婆放工,約同大圍食拮嘢,每人食個飯餐,然後買餸,街市行個圈,買有
紅莧菜8蚊,維記豆奶兩包14蚊,香蕉6.5蚊,蕃茄三隻4.8蚊,雞柳一包20蚊,泥鯭10蚊.

 

6點多鐘個仔來到,開工家居改革,還是廢板再做.

 一搞又成9點鐘.

 夜老婆煮飯,成9點幾三個人食.