晨早醒鼻無事,家居改革,床頭板層板,晚飯個女煮,三個人食.

昨晚同個仔床尾裝塊層板,搞到成9點幾食飯,寫陣卜成12點鐘至瞓,一覺5點多鐘便醒,個鼻無事,係自動醒,真係時時不一樣,笠個耳筒聽歌仔,都係瞓不返,6點鐘望住老婆返工,為有爬起來洗個面上網,7點鐘叫醒個女返工,就開工寫我旅行回來,第二天編卜,一寫又8點幾鐘,食早餐,餐後搞掂一切,又mytv追集楚漢.

看完集楚漢家居改革又開工,昨日床尾,今日床頭,由於房細拆走個床頭柜,無咗塊床頭板,於是介塊廢料加上.

 

地方淺窄,一郁又攤開個戰場,

又要諗又要鑽又要鋸,又要揾啱料,左聶右墊,.

12點鐘終於搞掂.

 跟住輪到塊層板,又話唔好用個衣柜來做力,咁就麻煩,又要駁條各鋁,又要鑽0隆整口拉爆來吊,墻邊又要鑽0隆,收條各鋁來托,又揾料又揾架生,擒高爬低一條友,真攞命?一搞又3點多鐘.

 老婆放工來電,唉!快啲返來幫手清潔善後.
老婆回來,佢掃地我執架生,佢清潔我沖涼,

搞掂一切,齊齊落商場揾呀大,鬼咁肚餓,我就整個义燒飯,凍奶茶餐,老婆就米粉多士餐.

 

餐後行惠康,老婆乜都買,買有金寶湯3罐25.8蚊,吞拿魚罐26.9蚊,牛油果6個24蚊,又無帶環保袋,兩公婆捧住返歸,原來今日熱到36.3度,破紀錄,怪得知做到我口祙祙,水都飲幾壺.

 

7點多個女返,唉!支支助助煩,不如等佢來煮.

煮有罐頭羅宋湯

雞肉芝士通粉

 最後我來煮個芝士蕃茄.

個女切個牛油果,三個人食.