無覺好瞓,大市跌甩肺,無錢無得買,整日在家,大圍拮野,麥記雪糕,晚飯4人食.

昨晚12點前都瞓,遲遲未能入睡,難得瞓著,佢又3點多以經醒,無偈?笠個耳筒聽著歌仔瞓,捱到今晨6點多鐘,老婆番工,瞓就係咁多,起來洗面上網,早餐後搞掂一切,成員陸續出門返工.

又9點20分,個市連跌5日,鑊鑊金,都係時候撈番些少貨,9點半鐘登入,李麗微吖,網頁換新板面,摩咗輪才叫做明白吓?再查吓個戶口餘額,掉...?買鬼買馬,得番926元,無錢無得買,摩索吓個網頁走得.
胡亂上輪網又12點鐘,高清台睇楚漢,看完想話家居貢獻啲,足知都係懶,呆坐響企望住個財經台.好不用易又3點多啲鐘,老婆放工,約過大圍食嘢兼買餸,大圍食拮野,每人食個飯餐,間嘢無乜冷氣,吃後嗱淋走人.
行轉街市,又遇街坊盧,C未?等你話我樹葉都執唔到塊?令令頭話唔見幾多幾多,又話今早溝貨中行5萬股喎.
你傷我都傷,繼續買餸,行經麥記有位,又入去食番杯雪糕,,吃後wifi陣走人,行出門口大大個告白,杯裝雪糕買一送一?唉!怪不得咁多人食該款雪糕?
離開麥記,同老婆講,天氣咁熱無謂行,不如你搭車我踩車返歸,返歸樓下街市,老婆啱啱好到,街市買些少菜返歸.
回家以經5點半鐘,買來有麥精奶兩盒14蚊,生菜5蚊,薑9蚊,薯仔蕃茄,11.5蚊,九棍魚10蚊,雞全翼6隻14.2蚊.

 

夜點煮飯,餐料有腐乳灼生菜.5蚊

 香煎九棍魚10蚊

 

鹵水全雞翼.14.2蚊

 
蕃茄薯煲粟米13.5蚊

4個人食,今餐盛惠42.7蚊

 

飯後果啤梨同桃