睡來唔錯,整朝上網,游水600m,中心大乜樂,衛訊問過明,晚飯5人食.

昨晚食完飯出埋編blog,還有時間尾場馬還未跑,諗咗好一陣,還是唔識賭,結果都係慳番,這晚無所事事,11點多以經上床瞓,須然未至一覺天光,兩次夜所就瞓到今晨6點多鐘,收音機賴床8點多起來,個女起床返工.

起來感覺似乎好好多?骨無痛牙無痛,洗面依然鹽水潄口,搞早餐食,咀嚼下依然忍忍點痛,看來都須要一段日子,邊食邊上網,寫下今早事,量血壓122/67-55,跟住手機辦大事,大事完畢才醒起還未食藥,藥後又10點鐘,今早事上網.
上輪網又11點多鐘看電視,12點鐘羋月傳,看完又1點鐘,明天洗池無得游水,唔好懶,一於游埋今日.
1點33分過到泳池,更衣室搞妥一上池,陽光普照,稍熱身1點47分下水,目標600m,由於昨日手傷,手臂塊紗布,被水沖到漾漾吓,越漾越大,有點痛想甩咁,游咗100m多啲,諗吓甩咗觸佢唔到,浮響池就麻煩,游到150m埋池邊,漾吓佢甩咗,好彩無流血,紗布掉上池面,繼續游,捱夠600m走得.

更衣室搞掂一切,至電老婆,沙田中心食老麥啦,老婆話大乜樂有優惠券喎?咁就是但啦,好運大乜樂見,同呀王吹陣水,然後過好運中心.
過到好中心,老婆還未到,揾好位預計同老婆面對面,老婆來到傾好食乜嘢,跟住有來問,我話我兩個,你隨便啦,誰知老婆一起身,條友即時放個袋落老婆個位,我就出聲,我嘛話咗你知我兩個嘛,你都睇住我老婆去買餐啦,他才說好好好,掉...原來條伯父來斟水,拿幾杯水倒落自己膠樽度,搞到一枱濕晒.
條伯父走後,又輪到個女人來問,我話無人,老婆買了餐到老婆25我24蚊,

食緊其間,個女人叫聲我老婆,幫忙睇住個位,無所謂啦,跟住佢兩個人來坐齊,唉!坐咁耐傾咁耐,係大大聲講潮州話,giliguru,唉?真係好唔慣,跟住我另邊個客,來碟鐵板麵,醬汁還未倒落,嘩?地方淺窄?被都無得被,嗱淋叫老婆走啦,老婆話杯檸水未飲完喎,我話我起身行先.
離開間特別旺既大乜樂,對面就係衛訊,手機係有點唔妥,但又唔係問題,螢幕玻璃貼,在天花燈照下,有點似貼不好,似有空氣,又似有彩色油漬閃閃吓,但對運作來講全無問題,於是乎入去問吓.
入到去,在天花燈下又無喎,咁即點呀?
於是乎同老婆去外便,若燈下有咁情況,用手機拍下,返回衛訊再講,唉!但係咁情況,又拍不出效果,無辦法,為有走去衛訊,講個情況佢知.
入到去剛巧賣機條友響度,直接情況話佢知,誰知佢好清楚,話係咪有彩色影郁郁吓,佢話部部機都係咁,因為玻璃貼邊啲油,係正常喎,條友都知客心理,唔做吓嘢証明吓唔舒服,即時叫個員工幫我從新貼過,用膠紙清理吓個芒,再貼回玻璃貼上去,就係咁搞掂,見貼好為有唔該走人.
離開衛訊走去商場天花燈下照吓,又咪一樣,還咗心願就行商場買餸,行過卜佳,進入街市,無魚啱買,便買兩件豆腐9蚊走人,老婆愛行路,推著單車,沿城河邊,行吓坐吓回家.
 
返回屋邨,老婆話番歸開冷氣,我話不如商場大乜樂,嘆陣冷氣才返歸,嗰然大乜樂坐陣,還要兩杯水,坐咗好一陣,商場買廿蚊齋鹵味,街市買斤菜心7蚊,莞茜兩扎5蚊返歸.

回家剛好6點鐘,老婆處理菜料,我就上網寫今日blog,
啲友夜返,為有夜啲8點鐘煮飯,料有豆腐,菜心,齋鹵味,蝦干,公魚干,皮蛋,菜心同莞茜.
 
公魚干蝦干蒸豆腐,

淥菜心,

外賣齋鹵味,

煙三文魚,

公魚干豆腐皮蛋煲莞茜,



煮好等呀等,成成9點半鐘,才埋位5個人食,1夜返留飯餸.