10月1日國慶,睡來麻麻失眠,整朝上網,國慶入馬場,執167.5,老婆煮,夜夜開飯人齊食.

昨晚搞兩搞12點幾才上床瞓,唔知夜咗定買咗部新手機,攤極都瞓唔著?囉囉攣下成2點都未能瞓?到瞓著5點多,雷響好大醒咗,傾盆大雨,老婆在返工,老婆關漏窗,雨水撇落腳,起來關上又瞓過,直至到8點多醒,睡來麻麻.

起來新抱剛巧出門返工,洗面小心翼翼潄口,好彩無痛,昨晚用個仔李斯德林潄咗一次,今早再潄多次,洗完個面搞早餐食,餐後以經9點半鐘,量血壓141/70-60,食過今早藥,上網寫陣blog辦大事,大事不妙10點47分,量多次血壓137/68-57,還是差不多,唔夠瞓有關?
上陣網又研究下部新手機?看有乜apps啱裝,摷吓又12點鐘,羋月傳,看咗陣個侄來電吹水,吹輪水1點多鐘,羋月傳以經做完,看來又要mytv再睇過.國慶日馬會又急call,入場送有型格則肩包乙個喎?咁就入去湊湊熱鬧.
1點多鐘天陰陰,踩著單車前往,1點45分以經去到馬場,馬以跑了兩場,入場人仕唔多,新進入場法?要嘟QR Code.


 
入場後又走進wifi區,望吓啲馬真係唔識賭,由於要投注才有,型格肩斜孭包送,於是第5場求其買10蚊,亂篤下1搭12PQ買10蚊,唉!煙都無陣,嘥氣,諗住想走,但見有張20蚊現金券,食夠30當現金用,馬會嘢有乜好嘢吖?不過見識吓都好.
 
 嘩!好多人,張張枱放滿食後垃圾,簡直執唔切,初哥的我望吓人點用券,人人都拿住張券,排隊攞嘢食,攞完食物又排隊去比錢,比咗錢走去滿佈垃圾區度食,原來有分別,例如麥記,家乜雞券係唔收,獨係好賞食區用,拿住張券睇吓各檔,有啲售罄收緊鋪,有啲條龍排到長長,唉!都係咪攪?簡條最短的,食乜都好?就熱狗奶茶算,相信最經濟卦?
好快拿了食物去比錢,熱狗28蚊熱奶茶15蚊合共43蚊,補水23蚊,唉!嘥氣,叫做趣趣哋見識吓,見同枱有人食魚蛋4粒河,問聲一碗幾銀?32蚊要貼12蚊喎?
 
有位坐,食完個狗茶,又望吓賽馬,第8場國慶杯,出馬又少,唉!都係唔識賭走人.
離開馬場,見到喱張Banner,幾咁唔公平?

 離開馬場3點45分,返到歸4點15分,老婆過咗大圍買餸,我就上網寫今blog,寫到5點40分,又睇吓馬仔,還有尾場未跑,馬已到閘口,戶口剩餘17蚊,於是踱吓?看吓馬資料紀錄,咦?隻10號幾好啵,新轉馬房蘇偉賢,騎師似幾旺,就10號醒蹄飛啦,PQ搭大熱門3號威力川,開跑LU,轉入直路,係咁嗌,3號10號 ,最後100m3號10號,最後50m3號10號,掉...跑條正Q喎?唉?節都唔笑,PQ派187.5元.
9733

	01-10-2016 14:29	沙田 星期六	位置Ｑ	5 場    1 百戰百勝 + 12 心思熟慮 $10	$10.00
9736	01-10-2016 17:45	沙田 星期六	位置Ｑ	11 場  3 威力川 + 10 醒蹄飛 $10	$10.00	$187.50

				夜老婆煮飯,我就網上睇英超,料有如下. 烚菜心, 蒸鹹雞 南乳粉絲齍 蕃薯南瓜紅蘿蔔粟米湯 9點40分人齊開飯,5個人食. 夜12點鐘成員生日,生日快樂,身體健康.