老婆放假,搞衛生被飛娥嚇C,旺角食粥買龍頭同波曲,買生果同塔香,晚飯4人食.

 昨晚如常12點鐘瞓,一覺今早8點20分醒,相當好瞓,無賴床起來洗面,老婆放假亦瞓醒,早餐後搞掂一切又9點半鐘,開市又開,外圍帶動又升2百多點,唉!真係無得傾.

老婆放假就搞衛生,我就如常上我網,突然老婆大嗌,跑出來話有隻大飛娥喎,佢話清潔廚房最高塊層板,見到有塊樹葉,於是用手去拿走,原來會郁喎,嚇得佢CC,之後被我掃把趕出窗外.

記得09年8月14日,同一地方發現幾條綠色蟲,相信都係飛娥所生的.

http://www.dimcook.com/goldentong/blog/5004197/

 

 老婆搞輪家務又一個上午,我又係時候看電視楚漢,看完集楚漢1點多鐘,同老婆出旺角,諗住買水箱配件波曲同龍頭,兩點多啲鐘出到旺角道,先來到這間傳統粥店食粥,老婆就艇仔粥配蘿蔔糕豆漿31蚊,我就皮蛋瘦肉粥配炸麵25蚊,.

吃後就行潔具鋪,拿住手機所拍的照,係咁續間問,間間都話無,有些還叫揾父師搞啦,多句都唔睬你,又係既?咁大間潔具鋪,你嗰幾拾蚊零件,睬你都儍啦?配件實在太老爺,都咁再生產?唉!都謂行囉?行到上海街喱間鋪,門口飾柜放滿一係列去水同波曲,同老婆研究吓,看吓有邊隻適合.

 在睇其間,店內有個後生女,問有乜可幫你,我就比手機照過佢睇,佢話喱隻就無,或者喱隻啦,個女仔好好人,太陽曬住都係咁同我解釋,我都唔忍心,帶佢埋陰地方再講,佢話要知道條來水多大,我話唔知喎?我問通常住宅多數幾大?佢話1/2寸啦,見佢咁好人,都費事再行,一於幫襯佢買來試試,買完個80元波曲,諗住買埋個龍頭,但佢啲全部貴價嘢.
為有揾另間找,其實以有心水,先前睇過間五金鋪,有隻心愛牌子司素,好平賣140蚊,於是走回去買,誰知一問?佢話無賣司素啵,咁飾柜件係乜?佢話係FIT,明明見寫有CS,不過嘜頭太陽射著,睇不清楚?見140蚊,是但啦,拿來睇吓,拿來佢又話無不锈鋼開關頭,見伙記又幾好禮貌,又唔想再行,是啦成交140元,其實司素邊有咁平吖.

 龍頭波曲買完,就行去旺角街市.行最多平生果賣條廣東道,來回行了兩次,才買有紅杮14個10蚊,碍山梨3隻10蚊火龍果3個10蚊,鯇魚腩一舊10蚊,大磨菇10蚊,塔香同隻銅撥共115蚊.

回家差不多6點鐘,立即開工,先搞個廚房龍頭,兩三吓便上好.

搞掂個廚房龍頭,又輪到個水箱波曲,當拆開一上,大獲,買來波曲條喉細咗,唔啱無得做.

換好衫諗住出去換,老婆話打個電問吓先,誰知一問,鋪收7點半鐘,又會咁早?無偈為有等明天.

水箱修不成,無心機煮飯,餐飯老婆煮.

冬菜豆卜蒸鯇魚腩.

大磨菇洋葱炒雞粒.

 

淥菜蕊

清保涼煲瘦肉.

三個人食一夜返留湯餸.

飯後果