12點鐘瞓,一覺天光6點鐘,睡來相當唔錯,起來有鼻水有噴嚏,不太嚴重都慣,洗過面早餐,餐後搞掂一切就上網.
一上又整個上午,上得耐累得要C,下午就在梳化,望著電視到聽著電視,到聽住到乜都唔知,一恰又3點鐘老婆放工,都好耐行條金寶徑,約定老婆禾輋等.
過到禾輋商場,外圍搭晒棚,大概外墻裝修卦?上到商場以經4點,老婆以在等,揾嘢食食意樂,行到去驟眼一睇,咦!裝修?原左右間大昌同酒樓圍著板,裝修定摺?不得而知?
走進意樂大鑊,無冷氣熱到呀媽唔認得,叫個餐蕃茄乜長通粉,好酸加埋杯熱奶茶27蚊,真係一頭汗.
老婆就芝士肉醬炒意粉餐30蚊,飲熱檸水,姍姍來遲,食完就走夾唔唞.
食完就過隔鄰惠乜超市,冷氣迫人,又確冷得交關,榴槤10.9蚊磅,好吸引,肉手下挑咗個,臨付錢時還是放低,太細個唔夠食,不如唔食,放棄下離開惠乜,繼續行商場,想話麥記食杯雪糕duck吓,可惜老人家佔據.
離開禾輋沿天橋過瀝源,先759又買下一大堆嘢,鬼咩又789折,買後折實後63.2蚊.
跟住雞寶買份大蕉5蚊走人,行去沙田街市,買斤蠔仔24蚊走人,返回自己街市,以經6點40分,街市正在收,求其執個椰菜2.4蚊,麵餅得番個4蚊,還是買咗先返歸.
今晚餐料有雪柜料粟米,雞蛋,膠筍,椰菜,南瓜,烏冬,麵餅同蠔仔.
蠔仔粟米南瓜粥
炸生蠔
炒烏冬
炒麵
五個人食一夜返,留粥留烏留炒麵.
開飯,結果家庭通病,口角不和,嘈得不開心,沒心情沒食到.
今日上咗成朝網,學咗兩句至理名言,我會緊記.
當無數次令你感到無情無義, 無論對方係咩身份, 都可以將之在你生活中剔除 !無謂為啲唔值得既人浪費時間,要學識決斷.
每人也有自己意見，大家多D包容，家人沒有隔夜仇，好快無事！而且金寶叔你好好！日日為家人煮一餐美味的晚餐！辛苦了！
回覆刪除無錯,小時聽晒話,稍為懂事就逆我話,到我老時我就白痴話.
刪除講多都無謂,老啦懂什麼?
老人家食鹽比我們食米更多，只是大家見解不同！千萬不要把此事放❤️上
刪除哈!還有這支歌唱?咪儍啦.唔理佢囉.
刪除CYY-金寶叔，相見好同住難，仔新抱搬回來不是好事，女女又未結婚！大家要好體諒才行！
回覆刪除都不是新抱事,未結婚幾拾年都係咁,代溝問題,細時聽你話,大啲逆你話,老時當我白痴話.總知少說話少參與.話之佢就OK,小時父子,老時呆子.
刪除意樂無泠氣重吾掉頭走，食嘢好熱嫁。
回覆刪除一蠔又可分二味食，還炒二碟粉。
我心中也常有座佑銘：
家和萬事興，家衰囗不停，退一步海濶天空，只要家人不是犯下欠債，販毒之類，一，二句爭拗，試問那個家庭不會發生呢！
哈!入咗去,好醜食埋走嗎,點知咁難頂?蠔試吓炸啫,
刪除講就容易,學我C鬼家姐時常講,若要人似我誰非兩個我,人相處係好有難度,你成日旅行,都見好多人生百態,上網咁耐都見好多百態,佔中其間都見好多百態,乜叫做啱同唔啱,哈我都大開眼介.
昨晚發生的,都係意見問題,意見總會有,人以經咁大,都無得你改變佢,好過啲就要少說話,少參與,都無事啦.
有樣嘢要話你知,今日街坊話我知嗰消炎藥,已經無得賣,話個廠唔出喎,你不用去顯徑買囉.
我港九的藥房也找過, 多數說成份相同, 只是國家不同, 星期六在荃灣買了, 我
刪除有放上facebook, 在荃灣買五毫子粒, 是最平及最好效力, 但我以前買的也是排裝, 20元一排, 十粒裝, 今次是粒裝, 你可上我的facebook看看是否成份一樣. 我不會去顯徑了, 多謝通知.
以前你系yahoo都有講過d家事,大家包容下啦!黎緊中秋,一家人開開心心準備賞月啦!~yman
回覆刪除唉!少說話少參與,就好相處啲,細時佢唔懂事,老來輪到我唔懂事,知無.
刪除哈哈!咁就老來從子啦!中秋做節整唔整煲仔菜唧?~yman
刪除哈!嘥氣,少說話少參與,咁就無衰.
刪除網上世界是虛幻，現實世界都一樣呢，不要事事認真。
回覆刪除無啦,少理為妙.
刪除當無數次令你感到無情無義, 無論對方係咩身份, 都可以將之在你生活中剔除 !無謂為啲唔值得既人浪費時間,要學識決斷. << . < ..
回覆刪除