睡來相當好,家居改革開工,電腦架步,卦埋個電視,晚飯人齊宵夜食.

 昨晚12點前都瞓,一覺竟然可以到8點鐘,起來個鼻無事,好可能攝高枕頭瞓卦?洗個面弄早餐,鼻才有些少鼻水同塞,算叫做最好一個早上,早餐後量個血壓,144/72-65高咗啲,吃埋今早藥.,開個大才9點20分.

日日無所事事,唔係睇電視就恰眼瞓,C硬都得?唔係辦法?腳須然還有點痛,一於揾啲嘢做,家居改革開工,都想做好耐,只係懶之過.

打開個百寶箱,垃圾工具一椅底都係.

稍為郁手,以經一枱都係,又要諗又要度,又要就板料,左試右嵌,終於諗到條絕橋,記可唔阻柜下兩隻門仔,枱面又平滑,又可以隨時拆得.

 

搞掂個枱面又3點鐘.

 老婆放工,就樓下食大乜樂,.

茶後街市買點餸,就回家繼續,搞掂電腦枱,打鐵襯熱,嗱淋卦埋個電視,又機頂盒又now的解碼器,都唔睇的,掉又唔係,唔見又要倍錢,真麻煩.

一搞又6點鐘,個仔放工返,幫手拉電線,搞掂成8點半鐘.

餐飯老婆煮,搞到成9點幾鐘才開飯,又一次晚飯宵夜食.

有昨日的魚今日蒸,

麵豉蒸花倉.

 節瓜滾瘦肉.

 三色蛋

 無餸開罐午餐肉

 人齊五個人食.

 

飯後果啤梨.