睡來尚可,尚整朝上網,樓下大家樂,晚飯4人食.

昨晚11點鐘以經上床,手機陣都瞓,不知何解夜所兩劑,重係大大劑,瞓到6點鐘醒,老婆返工我就瞓不返LU,為有歌仔塞耳瞓,矇矓到近7點鐘,收音機倫敦bbc新聞,又次矇矓到8點半次起來.

陽光超猛,搞搞曬晾,梳洗搞早餐上住網食,奇怪喱幾日個路遊器又OK喎?話之你上陣網寫下今早事.餐後0904量血壓133/71-50,辦妥一切事務.還是上網回憶錄心臟(3)心臟事件實在太耐,寫來有點亂,摷吓料寫吓又差不多1點鐘,都係唔鬼寫關機唞唞.
看陣電視恰吓眼瞓,又1點多鐘老婆返,老婆梳化攤陣,我就續看電視,明珠台講生態好好睇,一睇3點鐘,係時候落街下午茶,老婆話粥,我話坐唔耐,都係大家樂好啲.
以經3點幾依然咁多人,幾難下才找到半邊枱,老婆牛肉麵餐27,我就牛肉火腿通粉餐,同樣27蚊.

咁啱陳太兩公婆坐隔鄰,又吹輪水,吃過坐夠走人,例行轉惠康,買有半邊哈蜜瓜7蚊,街市買4隻蕃茄4.5蚊走人.
回家1640,老婆用咗部腦,我就看電視,1900煮飯,料有三文魚頭半個,甘菇,南瓜芝士,榨菜同蕃茄.



香煎三文魚頭,

榨菜甘菇蒸南瓜,

黑椒芝士煎蕃茄

2015開飯4個人食夜返留飯餸.

飯後果哈蜜瓜.